Mobilisasie van Verset teen Brittanje
In Europa is hy hoog geëer as die beginsel-vaste leier van ’n moedige volk wat uiters onregverdig deur die Britse Ryk ingeval en mishandel is. Besoekers aan Krugerhuis in Kerkstraat, Pretoria, kan talle van die trofeë en toekennings van die Russiese Tsaar, die keiser van Oostenryk, keiser Wilhelm II van Duitsland, die Nederlanders, Franse, Italianers en die Switsers, besigtig.
 
Vereerde Held
Oom Paul het op 14 Julie 1904, in Clarens, Switserland in ballingskap gesterf. Op 16 Desember 1904 is sy oorskot in die heldeakker van die Kerkstraat-kerkhof, Pretoria, herbegrawe. ’n Standbeeld van Paul Kruger in sy kenmerkende formele kleredrag, staan in die middel van kerkplein, Pretoria. Die goue Krugerrand is ter ere van hom genoem en beeld sy gesig uit. ’n Straat in St. Gallen, Switserland – Krügerstrasse – is na hom genoem. Sy grootste monument is die Kruger Nasionale Park.
 
"U sal 'n standvastige gesindheid in volle vrede bewaar, want hulle vertrou op U." Jesaja 26:3
 
‘n Brit se Opinie Oor die Boere
Meneer Arthur Conan Doyle, bekend as die skrywer van die Sherlock Holmes romanse, skryf in sy boek, “The Great Boer War”:
“Take a community of Dutchmen of the type of those who defended themselves for fifty years against all the power of Spain, at a time when Spain was the greatest power in the world. Intermix with them a strain of those inflexible French Huguenots who gave up home and fortune and left their country for ever at the time of the Revocation of the Edict of Nantes. The product must obviously be one of the most rugged, virile, unconquerable races ever seen upon earth. Take this formidable people and train them for seven generations in constant warfare against savage men and ferocious beasts, in circumstances under which no weakling could survive. Place them so that they acquire exceptional skill with weapons and in horsemanship, give them a country which is eminently suited to the tactics of the huntsman, the marksman, and the rider. Then, finally, put a finer temper upon their military qualities by a dour fatalistic Old Testament religion and an ardent and consuming patriotism. Combine all these qualities and all these impulses in one individual, and you have the modern Boer—the most formidable antagonist who ever crossed the path of Imperial Britain. Our military history has largely consisted in our conflicts with France, but Napoleon and all his veterans have never treated us so roughly as these hard-bitten farmers with their ancient Theology and their inconveniently modern rifles.”

Buitengewone Leiers
Prominente persoolikhede, soos die stigter, Jan van Riebeeck, Maria de la Quellerie, die eerste Franse Huguenoot wat in Suid-Afrika aangekom het. Die heldhaftige selfopoffering van Wolraad Woltemade wat die mense gered het wat vasgevang was in die onstuimige storm aan Tafelbaai. Paul Kruger, wie op die ouderdom van elf, reeds as Voortrekker, teen die geweldadige Matabele geveg het in die Slag van Vegkop.

Rolmodelle om te Respekteer
Die suksesvolle sendeling, dr. David Livingstone, die beste vriend wat Afrika ooit gehad het, die dinamiese Andrew Murray, Sendeling na die Voortrekkers vir 11 jaar en die mees produktiewe en suksesvolle Suid-Afrikaanse skrywer in die geskiedenis. Beginselvaste politieke leiers, soos Paul Kruger, Marthinus Steyn en James Barry Hertzog. Dapper kommandoes, soos Danie Theron, die stigter van die Verkenningskorps van die Transvaal, Generaal Christian de Wet van die Oranje-Vrystaat en Generaal Koos de la Rey – Die Leeu van die Wes-Transvaal.

Ongelooflike Individue
Die volhardende Engelse vrou, Emily Hobhouse, wie die Britse verskroeide aarde en die konsentrasiekamp beleid ontbloot het, het ook die regering in die die afgrond in gedryf en het gehelp om die verwoestende Anglo-Boereoorlog spoedig tot ‘n einde te bring. Die pionier Duitse Sendeling, Carl Hugo Gutsche, wie kerke regdeur die Oos-Kaap opgerig het, het ook die eerste Swart Baptiste Sendeling vir Transkei opgelei.

Ommekeer Gebeurtenisse in Geskiedenis
Beslissende gevegte wat die rigting van Suid-Afrika se toekoms bepaal het, soos Vegkop, Bloedrivier, Majuba, Isandlwana en Rorke's Drif.

Landmerke en Historiese Dorpe
Wonderlike monumente, soos die eerste monument vir vroue wat ooit opgerig was in die wêreld, die Vrouemonument in Bloemfontein. The inspirerende en asemrowende Voortrekkermonument, asook baie ander, word vertoon in die Sketse uit die Suid-Afrikaanse Geskiedenis. Verskeie historiese dorpe en museums verskyn ook in hierdie 216-bladsy boek, met 228 prente en kaarte.

‘n Afrika Historikus
Die skrywer, dr. Peter Hammond, is ‘n Sendeling en pionier regdeur Afrika en Europa, insluitend die oorloggetuisterde sones van Mosambiek, Angola en Sudan. Hy het skole, mediese klinieke en kerke gestig in hierdie areas. In die laaste 34 jaar het hy getoer en bedien in 36 lande oor 4 kontinente. Dr. Hammond is the Stigter van Frontline Fellowship, Africa Christian Action, The Reformation Society, Livingstone Fellowship en William Carey Bible Institute. Hy het talle boeke al geskryf, insluitend: The Greatest Century of Missions, The Greatest Century of Reformation, Victorious Christians - Who Changed the World, A Christian History of Africa, Church History Manual, en Faith Under Fire in Sudan. Die South African History Audio and Data MP3 Boxset wat 20 oudio lesings en 15 PowerPoint aanbiedings van dr. Peter Hammond oor Suid-Afrikaanse Geskiedenis insluit, asook PDF weergawes van die Sketches from South African History boek en die Sketse uit die Suid-Afrikaanse Geskiedenis boek.

Unieke Suid-Afrikaanse Hulpbronne
Sketse uit die Suid-Afrikaanse Geskiedenis en Sketches from the South African History is beskikbaar vanaf Christian Liberty Books.
 
CHRISTIAN LIBERTY BOOKS
admin@christianlibertybooks.co.za
www.christianlibertybooks.co.za
021-689-7478
The email has been sent to peter@frontline.org.za
To Unsubscribe please click here

​

1.Ons Here en Meester, Jesus Christus het beveel: “Bekeer julle, want die Koninkryk van die hemele het naby gekom” (Matthéüs 4:17). Die hele lewe van ‘n gelowige, moet een wees van bekering.

2.Dit kan nie geïnterpreteer word as bloot ’n gebaar van toewyding, of ’n tegniese redding, gebaseer op teorie, maar geen ervaring nie.

3.Bybelse bekering sluit die volgende in: oortuiging, ’n verandering in denke; berouendheid, ’n verandering in hart; omkering, ’n verandering in leefwyse. Dit is nie genoeg om net ons sonde te bely nie, ons moet ook sonde verwerp. Ons moet sonde haat en afsweer. Bekering impliseer ’n verandering van gedagtes, ’n verandering van hart, ’n verandering van gewoontes en ’n verandering van optrede.

4.“Maar selfs nou nog, spreek die Here, bekeer julle tot My met julle hele hart, en met vas en geween en rouklag. En skeur julle hart en nie julle klere nie, en bekeer julle tot die Here julle God; want Hy is genadig en barmhartig, lankmoedig en groot van goedertierenheid, en Een wat berou het oor die onheil” Joël 2:12-13

5.Hierdie was die boodskap van die Apostel Petrus op die Dag van Pinkster: “Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.” Handelinge 2:38

6.Hierdie was die boodskap van die vroeë Kerk: “Kom dan tot inkeer en bekeer julle, sodat julle sondes uitgewis kan word en tye van verkwikking van die aangesig van die Here mag kom.” Handelinge 3:19 

7.Die hart van die Evangelie is ’n veranderde lewe in Christus.

8.God is ’n Heilige God en Sy geregtige standaarde word gevind in Sy Wet. Die mens is sondig en ons moet onsself bekeer van ons boosaardigheid en ons vertroue in Christus plaas.

9.Hierdie bekering en geloof moet waargeneem word in ons gehoorsaamheid aan Christus en in ons bereidheid om ter wille van Christus opofferings te maak en vervolging te verduur. Vir diegene wat hulself na Hom wend in bekering en geloof, beloof God groot seëninge, belonings en die ewige lewe.

10.Voordat Hy na die Hemel teruggekeer het, het ons Here, Jesus Christus, Sy volgelinge beveel dat: “bekering en vergewing van sondes in Sy Naam verkondig word aan al die nasies, van Jerusalem af en verder.” Lukas 24:47

11.Redding is deur die genade van God alleen, ontvang deur geloof alleen, op grond van Christus se bloed, as versoening aan die Kruis van Golgota, alleen.

12.Bybelse Redding word altyd gekenmerk deur ’n verandering in gedrag. “Laat die goddelose sy weg verlaat en die kwaaddoener sy gedagtes; en laat hy hom tot die Here bekeer, dan sal Hy hom barmhartig wees; en tot onse God, want Hy vergeef menigvuldiglik.” Jesaja 55:7

13.Die wat verkondig dat iemand wat glo, gered is, ongeag van hoe hy optree, is valse leraars. Die Bybel sê duidelik dat net soos bekering sonder geloof nie ware bekering is nie, so is geloof sonder bekering nie ware geloof nie. Bekering en geloof is twee kante van dieselfde muntstuk. Geloof sal altyd gedrag beïnvloed.

14.“Net so is ook die geloof, as dit geen werke het nie, in sigself dood. Maar iemand sal sê: Jy het die geloof en ek die werke. Toon my jou geloof uit jou werke, en ek sal jou uit my werke my geloof toon...Want soos die liggaam sonder gees dood is, so is ook die geloof sonder die werke dood.” Jakobus 2:17-26 

15.Die Bybel waarsku ons om nie ons harte te verhard nie (Psalm 95:8). “Gelukkig is die mens wat gedurigdeur (die Here) vrees; maar hy wat sy hart verhard, sal in die onheil val.” Spreuke 28:14

16.“Of weet julle nie dat die onregverdiges die Koninkryk van God nie sal beërwe nie? Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die Koninkryk van God beërwe nie. En dit was sommige van julle; maar julle het jul laat afwas, maar julle is geheilig, maar julle is geregverdig in die Naam van die Here Jesus en deur die Gees van onse God.” 1 Korintiërs 6:9 -11 

17.“Die Here is naby die wat gebroke is van hart, en Hy verlos die wat verslae is van gees.” Psalm 34:18. “Die offers van God is ‘n gebroke gees; ‘n gebroke en verslae hart sal U, o God, nie verag nie”. Psalm 51:17. Die Here belowe om dié met ’n nederige en ’n responsiewe hart aan te hoor en te genees. (2 Konings 22:19)

18.“Werp al julle oortredinge waardeur julle oortree het, van julle af weg en maak vir julle ‘n nuwe hart en ‘n nuwe gees; want waarom wil julle sterwe...?” Esegiël 18:31

19.Die wat beweer dat ons Jesus kan aanneem as Redder sonder om aan Hom onderdanig te wees, is valse leraars. Dit sou nie voldoende gewees het vir Moses om aan die Hebreër slawe in Egipte te verkondig dat hulle moet aanvaar dat hulle volkome vrymaking het in Yahweh, terwyl hy hulle onder die juk van slawerny in Egipte sou los nie.

20.Niks minder as vrymaking uit Egipte, vrymaking van die juk van slawerny, sou voldoende wees nie. God se ewige plan het vereis dat die kinders van Israel die Pasga sou oorleef, Egipte verlaat, deur die Rooi See trek en gevestig word as ’n vry volk in die Beloofde Land.

21.Sonde is ernstig. Steeds verdra ons sonde heeltemal te gemaklik. “God het dan die tye van onkunde oorgesien en verkondig nou aan al die mense oral dat hulle hul moet bekeer.” Handelinge 17:30

22.Sonde is meer verontreinigend as vuilheid, gevaarliker as ’n onontplofde bom, meer lewens gevaarlik as ’n ongeneeslike siekte, meer verraderlik as ’n virus. “Soek die Here terwyl Hy nog te vinde is; roep Hom aan terwyl Hy naby is.” Jesaja 55:6

23.“Die Wet van die Here is volmaak: dit verkwik die siel; die getuienis van die Here is gewis: dit gee wysheid aan die eenvoudige.” Psalm 19:7. Die eerste taak van die Evangelis is om God se Wet te verkondig en die wese van sonde te openbaar. Om na te laat om die Wet te gebruik, skep ’n valse hoop, ’n valse standaard van Christen ervaring en veroorsaak dat die Kerk gevul word met valse bekeerlinge. “Die beginsel van die wysheid is die vrees van die Here..”Spreuke 9:10

24.Hulle sal nooit genade aanvaar totdat hulle nie sidder voor ’n regverdige en heilige Wet nie. “Die wet was dus ons tugmeester na Christus toe, sodat ons geregverdig kan word uit die geloof.” Galasiërs 3:24. Redding is deur genade alleen, ontvang deur geloof alleen.

25.Die Bybel alleen is ons finale outoriteit. “Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, sodat die mens van God volkome kan wees, vir elke goeie werk volkome toegerus.” 2 Timótheüs 3:16 

26.Christus alleen is die Hoof van die Kerk. Christus is die enigste Middelaar tussen God en die mens. Die waarheid triomfeer. Geen hoeveelheid duisternis kan die kleinste liggie uitdoof nie.

27.Ons moet die self verloën, nie toegee aan die luste van self nie. Baie mense ag hulle ervaring as deurslaggewend. Maar vir Christene is die Bybel ons finale outoriteit. Emosies is ’n gebrekkige plaasvervanger vir die Bybel.

28.Die Bybel waarsku ons: “leer om nie te dink bo wat geskrywe is nie” 1 Korintiërs 4:6-14. Ons moet bewus wees van stromings en leraars wat buite die Bybel handel en wie met vermetelheid dít verkondig wat nie duidelik deur die Heilige Skrif geleer word nie.

29.Christene moet bewus wees van dié kerke wat streef om soos die wêreld te lyk en te klink. In baie kerke word die Groot Opdrag geïgnoreer terwyl sosiale kwessies, fisiese gesondheid en welvaart, spoggerige vermaak en ’n klem op selfsugtige en materialistiese kwessies die primêre fokus word. Baie ‘Word of Faith’ leraars openbaar ’n gebrekkige vrees vir God en preek ’n ander evangelie en ’n ander Jesus as wat deur die Bybel verkondig word.

30.Baie populêre predikante sê vir mense net wat hulle graag wil hoor in plaas van om vir hulle te sê wat hulle behoort te hoor. Die ‘Word of Faith’, ‘Name it and Claim it’, ‘Health and Wealth’, ‘Prosperity’ predikante mag dalk populêr wees, maar hulle is valse leraars. Hulle is effektief besig om mense immuun te maak teen ware Christenskap. Ons behoort soos die mense van Beréa te wees wat meer edelmoedig was as dié mense in Thessalonika; hulle het die Woord met alle welwillendheid ontvang en elke dag die Skrifte geondersoek om vas te stel of die dinge wat die Apostels verkondig het wel só was. (Handelinge 17:11)

31.’n Volwasse Christen is ’n oordeelkundige Christen. Ons kan die Here God nie liefhê behalwe as ons Hom ken nie. Ons kan Hom nie ken behalwe as ons Sy Woord, die Bybel, bestudeer nie. Christene moet hulself ondersoek om te sien of hulle waarlik in die geloof is (2 Korintiërs 13:5). Is daar ’n ware verandering in jou lewe? Is daar bewys van Goddelike berou oor jou sonde? Het jy God lief met jou hele hart, siel, verstand en krag? Vind jy behae daarin om God se Woord te bestudeer en om te bid? Het jy ’n weersin in sonde?

32.Ons word beveel om “kragtig te stry vir die geloof wat eenmaal aan die heiliges oorgelewer is” Judas 3. Ons Here, Jesus Christus, is ons voorbeeld en Hy het valse profete, skrywers en fariseërs, skynheiligheid en valse leringe ontbloot.

33.Die goedheid van die mens is ’n on-Bybelse lering. “Bedrieglik is die hart bo alle dinge, ja, verdorwe is dit; wie kan dit ken? Ek, die Here, deursoek die hart, toets die niere, om aan elkeen te gee na sy weë, volgens die vrug van sy handelinge.” Jeremia 17:9-10

34.Tekens en wonderwerke red niemand nie. In die evangelie van Johannes lees ons: “En toe Hy in Jerusalem was op die Pasga gedurende die fees, het baie in Sy Naam geglo, omdat hulle die tekens gesien het wat Hy doen. Maar Jesus self het Hom aan hulle nie toevertrou nie, omdat Hy almal geken het en omdat Hy nie nodig gehad het dat iemand van die mens sou getuig nie; want Hy self het geweet wat in die mens is.” Johannes 2:23-25. Jesus het self gesê: “Hierdie geslag is boos; dit soek na ‘n teken, en geen teken sal aan hom gegee word nie...” Lukas 11:29

35.Slegs die Evangelie kan lewens verander. Bekering ter wille van fisiese gesondheid en rykdom is valse bekering. Dié wat leer dat gelowiges in kosmiese magte moet inskakel is on-Bybels. Dít wat hulle aanbied lyk eerder na toorkuns as Bybelse geloof. Baie van wat verkondig word in die ‘Word of Faith’ beweging is nie Bybelse Geloof in die Soewereine God nie, maar wel geloof in geloof. Dít is afgodsdiens.

36.Die Bybel waarsku ons: “Pas dan op dat julle nougeset wandel, nie as onwyse nie, maar as wyse; en koop die tyd uit, omdat die dae boos is.” Efesiërs 5:15-16

37.Gelowiges moet baie selektief wees aangaande die vermaak en nuus media wat ons toelaat om daagliks ons gedagtes te vul.

38.Die Bybel beskryf sekulêre humanistiese denke: “...hulle het dwaas geword in hul oorlegginge, en hul onverstandige hart is verduister.” Romeine 1:21. Dit is uiters gevaarlik vir Christene om hulle kinders na sekulêre humanistiese skole toe te stuur om hulle onderwys te ontvang.

39.“En omdat hulle dit nie die moeite werd geag het om God in erkentenis te hou nie, het God hulle oorgegee aan ‘n slegte gesindheid, om te doen wat nie betaam nie” Romeine 1:28. Idees het gevolge. Dit wat ons sien beïnvloed wat ons dink en wat ons dink beïnvloed wat ons sal word en wat ons sal doen. Optrede word gebore uit gedagte patrone.

40.“Nie elkeen wat vir My sê: Here, Here! sal ingaan in die Koninkryk van die hemele nie, maar hy wat die wil doen van my Vader wat in die hemele is.” Matteus 7:21. Dit is nie so veel wat ons sê nie, maar wat ons doen wat ‘n verskil maak. Aksies meer welsprekend as woorde.

41.Om klem te plaas op gevoel en “seëninge” terwyl die verpligting van gehoorsaamheid en dissipelskap nagelaat word is net ‘n pad tot mislukking en teleurstelling (Mattheus 7:15-23).

42.Daar is geen kort paaie, of ‘n 4-punt program tot ware redding nie. Daar is geen alternatief tot ’n volle oorgawe aan die Heerskappy van Christus (Kolossense 2:6-7) of ‘n soeke na die weg van die Here met volharding, (Jeremia 29:13) en gehoorsaamheid daaraan nie (1 Petrus 2:21). Jy moet die wêreld verlaat (1 Johannes 2:15-17) en jou selfsugtige lewe opgee (Matteus 16:24). Bekeer jou van jou vorige sondige weë (Jesaja 55:7) en plaas al jou energie, tyd, talente, geld en vaardighede onder God se beheer. Word verander deur die vernuwing van jou gedagtes en lewe voluit vir die Here (Romeine 12:1-2).

43.Die weg van Redding in die Bybel is beskryf as a soektog (Jeremia 29:13), ‘n reis (Matteus 7:13-14), ‘n oorlog (2 Korintiërs 10:3-5), en ‘n marathon wedloop (1 Timoteus 6:12). Gelowiges word beskryf as reisigers, dissipels, soldate, en lang-afstand atlete. Die Bybel is vol van beskrywings van gevegte, vooruitgang, verowering, struweling, lyding en oorwinning. Hierdie Bybelse aanduidings vertel van vordering en vooruit beweging. Dit praat van ‘n volgehoue ervaring en lewenswyse, nie net ‘n eenmalige gebeurtenis of teologies begrip nie.

44.Die hart van die Evangelie is ‘n herstelde verhouding met God deur Jesus Christus, waarin kommunikasie en kontak bekragtig en onderhou word met die Here. Jou karakter word ontwikkel en God se ewige doelwitte word in en deur jou lewe bereik.

45.Die mense wat leer dat die Wet van die Here nie meer vandag op ons van toepassing is nie, is onkundig en goddeloos. Predikers wat verklaar dat ‘n mens Christus as Saligmaker kan aanvaar sonder om aan Hom as Here te onderwerp, verkondig dwaalleer.

46.Christus alleen is Hoof van die Kerk. Geen pous, biskop, aartsbiskop, kardinaal, sinode of moderator het die mag om die bevele wat die Almagtige God in Sy Woord duidelik ingestel het, ongeldig te verklaar nie.

47.Mense moet waak teen dié wat onbillike betaling vir geestelike dienste vereis.

48.Die leraars wat beweer dat Bekering nie noodsaaklik is vir diegene wat begeer om in ‘n regte verhouding met God te staan nie, preek nie ‘n Bybelse leerstelling nie. Die waarlik berouhebbende mens begeer ernstig om volkome restitusie te doen, en om enigiets wat hy geneem of beskadig het te vervang of te herstel.

49.Die mense wat vereis dat die Woord van die Here stilgemaak word op sekere kwessies wat deur hulle onderskryf word, sodat die kwessie onbelemmerd bly, is vyande van Christus.

50.Die Woord van God word skade aangedoen wanneer daar nie ’n balans in ons prediking gehandhaaf word tussen: die Wet van God en die liefde van God, die wraak van God en die genade van God, die ewige oordeel en die Evangelie van verlossing, die seëninge van die Hemel en die realiteit van die hel nie. Die ware skat van die Kerk is die allerheiligste Evangelie van die glorie en genade van God.

51.Laat die een wat teen die waarheid van die Heilige Skrif (die Bybel) spreek, ’n vervloeking en vervloek wees (Galasiërs 1:6-10). Maar laat hy wat waak teen die luste en losbandigheid van die wêreld, laat hy geseënd wees!

52.Hulle wat verkondig dat ons klein gode is, is skuldig aan Godslastering. Hulle wat verkondig dat die Kruis van Christus nie voldoende was vir Ewige Redding nie, is dwaalleraars.

53.Verag dié valse profete wat sê: “Vrede en veiligheid”, terwyl daar geen vrede is nie. (1 Thessalonicense 5:3)

54.Geseënd is die wat die Kruis van Christus verhef en ’n duidelike oproep tot Bekering doen.

55.Christene moet aangemoedig word om ons Here, Jesus Christus getrou te volg deur opoffering en lyding, en eerstens die Koninkryk van God te soek.

56.Ons kan verseker wees dat die Koninkryk van God deur baie verdrukking binnegegaan sal word, eerder as deur die misleiding van gemak en gerustheid.

57.As ek met die luidste stem en duidelikste omskrywing verkondig, elke gedeelte van die waarheid van God se Woord, behalwe dié einste kwessie wat die wêreld en die duiwel op daardie oomblik aanval, dan is ek nie besig om Christus te bely nie, ongeag van hoe versekerd ek van Hom praat. Waar die geveg heers, dáár word die lojaliteit van ’n soldaat onderskei; en om standvastig te wees op enige ander oorlogsfront behalwe dié een, is niks minder as ’n daad van onttrekking en skande nie – as hy terugdeins van dié saak.

58.Kompromie en lafhartigheid doen skade aan alle betrokke partye. Lafhartigheid is vernietigend en kortsigtig. In Openbaring 21:8 is lafhartigheid bo aan die lys van die wat vir ewig deur God verdoem sal word – in die poel van vuur.

59.Die Woord van God beveel ons om nie bang te wees vir enige mens nie. (Deuteronomium 1:17). Ons word gewaarsku dat vrees vir ’n mens ’n strik is (Spreuke 29:25).

60.Lafhartigheid laat ons sit wanneer ons moet opstaan, laat ons stil bly wanneer ons moet praat, maak ons passief en onaktief wanneer ons moet veg vir dít wat reg is. “...Wie is jy, dat jy bevrees is vir die mens wat moet sterwe, en vir die mensekind wat oorgegee word soos gras? —dat jy vergeet die Here wat jou gemaak het, wat die hemel uitgesprei en die aarde gegrond het.” Jesaja 51:1213

61.Die hedendaagse voorkoms van Arminianisme, Antinomianisme, “egalitarianism" sonde-vriendelike, selfgesentreerde, oppervlakkige, sensasionele, materialistiese, ‘goedkoop-genade’ en die ‘maklike-geloof’ leringe het ruggraatlose papperds voortgebring wat vir niks standpunt kan inneem nie. “Openlike teregwysing is beter as verborge liefde. Die wonde deur een wat liefhet, is opreg bedoel, maar die soene deur ‘n vyand is oorvloedig.” Spreuke 27:5-6

62.Ons is geroep tot getrouheid, nie populariteit nie. Die Groot Opdrag roep ons nie op om vriende te maak nie, maar om dissipels van alle nasies te maak; om gehoorsaamheid te leer in alles wat ons Here ons beveel het.

63.Ons is geroep om ons aan God te onderwerp en die duiwel te weerstaan, en hy sál van ons af wegvlug (Jakobus 4:7).

64.Hulle kan die liggaam doodmaak, maar hulle kan die siel nie vernietig nie.

65.Dit is ’n skande vir dienaars van die Evangelie om stil te bly terwyl die ware fondasie van ons geloof en vryhede - beskawing self – aangeval word. Die veldtog om dit wat God beskryf as ‘n gruwel, ‘n “huwelik” te noem, behoort elke Christen tot aksie aan te spoor om te veg vir die gesin en ons geloof. Die basiese bousteen van ons samelewing, die gesin, is op die gevegsfront in die wêreldoorlog van wêreldbeskouings. Omdat die invloed van onderwys, vermaak en die nuus media so vêrreikend is, is dit hiér waar die geveg vir die gesin of verloor, of gewen word.

66.Die Bybel leer ons dat God ’n Goddelike geslag soek (Maleági 2:15). Daarom is die eerste prioriteit van ouers om hulle kinders te leer om God en Sy Woord lief te hê. Sekulêre humanistiese onderwys poog om God te uit te wis deur Hom uit die klaskamer en die denke van die volgende geslag te verban. Deur die Bybel uit te wis as die bron van alle kennis, is humaniste besig om die fondasie van alle waarheid te verwyder. Hulle verbied die enigste objektiewe standaard waardeur realiteit beoordeel word. “Pas op dat niemand julle as ‘n buit wegvoer deur die wysbegeerte en nietige misleiding nie, volgens die oorlewering van die mense, volgens die eerste beginsels van die wêreld en nie volgens Christus nie.” Kolossense 2:8

67.Ek is bevrees dat skole hulleself as wye poorte na die hel sal bewys, behalwe as hulle getrou arbei om die Heilige Skrifte te verduidelik en dit so op die harte van jong mense graveer. Ek sal niemand aanraai om sy kind te plaas waar die Heilige Skrifte nie opperheerskappy het nie. Elke instansie waar mense hulleself nie deurentyd besig hou met die Woord van God nie, moet in korrupsie verval.

68.In hierdie oorlog tussen kulture, is dit lewensbelangrik om die oorlog tussen Skepping en die teorie van Evolusie te verstaan. Wetenskap handboeke en museums is hier ‘n strategiese slagveld in die wêreldoorlog van wêreldbeskouings.

69.Ons moet die Woord van God ken en ons moet die God van die Woord ken. Ons moet God ken en Hom bekend maak.

70.Dit is noodsaaklik om te weet wat ons glo, waarom ons dit glo, asook hoe om dit prakties te verdedig in ‘n argument. Dit is ook noodsaaklik dat ons effektiewe evangeliste word.

71.Christene moet besef dat ons in ‘n wêreldoorlog van wêreld beskouings betrokke is. Daar is ‘n oorlog teen God en teen Sy Woord – die Bybel. In hierdie oorlog vir die denke, word klaskamers en film teaters die slagvelde. Onderwys is ‘n slagveld. Handboeke en onderwysers bevorder en stel gereeld ewolusie, situasie etiek, seks opvoeding en die herdefiniëring van waardes, voor. Realiteit word herrangskik deur ’n selektiewe fokus en soos Karl Marx verklaar het: “die eerste slagveld – die herskryf van geskiedenis.” Deur die voorveronderstellings te verdraai, hoop die sekulêre humaniste om ons kinders te steel, asook ons kultuur en land te kaap. Die vermaak industrie is grotendeels geïnfiltreer om boosheid te verheerlik, skeltaal te veralgemeen en alles wat lelik is op te hemel. Dit is elke Christen se plig om uitstekende Christen media te ondersteun. 

72.Christene moet onderskeiding toepas in hulle vermaaklikheid en media keuses. Ons moet flieks ondersteun wat gesins vriendelik is en ons moet anti-Christelike programme vermy.

73.Die Ewolusie teorie is ‘n poging om God terugwerkend te verwyder. Ewolusie as ‘n teorie en filosofie verwoes alle betekenis, doel, rigting, geregtigheid en hoop in lewe. Die Skrif verklaar, “Die dwaas sê in sy hart: Daar is geen God nie. Sleg, afskuwelik maak hulle hul dade; daar is niemand wat goed doen nie.” Psalm 14:1

74.Ons is geroep om die lig van die wêreld te wees. Al die duisternis kan die kleinste liggie nie uitblus nie. “Want die aarde sal vol word met die kennis van die heerlikheid van die Here soos die waters die seebodem oordek.”Habakkuk 2:14

75.Die hedendaagse verskynsel van ouderdom skeiding in kerkdienste behoort heroorweeg te word in die lig van die Bybel. Vandag se jeug is nie die Kerk van môre nie, maar is deel van die Kerk van vandag. Die Kerk is ‘n verenigde liggaam. “Want net soos die liggaam een is en baie lede het, en al die lede van die een liggaam, al is hulle baie, een liggaam is, so ook Christus.” 1 Korinthiërs 12:12

76.Ouers is verantwoordelik daarvoor om hulle kinders in die vrees van die Here op te voed, in gemeenskap met alle gelowiges. Sosiale Kerk byeenkomste behoort gesinne in te sluit. Jeug bediening behoort terugbesorg te word aan diegene waaraan dit behoort – families en vaders/pa’s. Ongelukkig is dit waar dat baie jeug bedienings meer kwaad as goed doen. “Gaan met die wyse om, dan word jy wys; maar hy wat met dwase verkeer, versleg.” Spreuke 13:20

77.Jong mense het ‘n baie groter kapasiteit vir geestelike en sosiale volwassenheid as wat meeste mense dink. Jong mense moet aangemoedig word om hulle geloof ernstig op te neem en altyd hoër te strewe vir die Here.

78.Baie van die leidende denominasies is deur sekulêre humaniste geïnfiltreer, en as gevolg daarvan is die kerke se Bybelse Evangelie verpletter en het ruggraatlose generasies daaruit ontwikkel. Baie kerke is vol, maar daar is min kerkgangers wat waarlik tot bekering gekom het, of ‘n ware verhouding met ons Here Jesus Christus het.

79.Om die Kerk se aandag af te trek en Christene lam te lê, word valse leringe en ketterye met groot geesdrif bevorder. Passiwiteit word aangemoedig en baie Christene se aandag is afgetrek deur ‘n obsessie met ’n “wegrapings-koors” eindtyd profesieë.

80.Die Wet van die Here, wat die siel verkwik (Psalm 19:8-12), is omtrent tot niet gemaak in hedendaagse kerke. ‘n Lamsakgees en ‘n begeerte om al die moeilikheid van hierdie lewe vry te spring maak ons kerke onaktief en vrugteloos.

81.Die Kerk se taak om die Groot Opdrag van die Here Jesus Christus (Matteus 28:18-20) uit te voer in ons geslag, word ondermyn deur wêreldse musiek, ouderdom skeiding in kerk dienste en jeug groepe wat daarna streef om vermaak te bied, in plaas van opvoeding.

82.Die algemene Westerse kerk is op ‘n lae vlak van oordeelkundigheid. Materialisme, sensualisme en die aanbidding van ander mense as afgode, trek baie gelowiges se aandag af van hul verantwoordelikheid om die Groot Opdrag uit te voer.

83.Baie Christene versuim daarin om raak te sien dat skole en universiteite in die hande van sekulêre humaniste is en stuur steeds hul kinders na hierdie inrigtings wat vol is van anti-Christelike idees en ideologieë, en wat effektief bestaan om hulle kinders te breinspoel. 

84.Teologiese kweekskole word, oor die algemeen, geinfiltreer deur liberale teoloë wat hou by teistiese evolusie. Die ondermyning van Bybelse Christenskap, in baie denominasies, is soos kanker wat deur die liggaam versprei.

85.“Moet ‘n mens die goddelose help, en het u lief die wat die Here haat? Daarom kom daar nou ‘n toorn op u van die Here.” 2 Kronieke 19:2

86.Ons moet die morele uitdagings van ons tyd in die gesig staar, insluitend die simptome van morele verval: misleiding in die nuusmedia, gedegenereerde vermaak, oneerlikheid in besigheid en agteruitgang in regering.

87.Dit is selfs meer belangrik is om die oorsake te identifiseer: oneffektiewe kerke, flou prediking, onverantwoordelike leiers, ’n verwerping van God se Wet as die fondasie van ons gesinne, kerke en nasie, verwaarlosing van die Bybel, biddeloosheid, selfsugtigheid, verwarring, kompromie, lafhartigheid en in wese, ‘n gebrek aan ’n heelhartige liefde vir God.

88.Veels te veel kerke vermaak hulle lede eerder as om hulle te onderrig met verklarende prediking vanuit die Bybel. Hulle sus hulle lede in plaas daarvan om hulle aan te spreek oor sonde. “Geregtigheid en reg is die grondslag van U Troon; goedertierenheid en trou gaan voor U aangesig uit.” Psalm 89:14

89.Lewe begin by bevrugting. Aborsie is moord. Die heiligheid van lewe is ’n belangrike aspek van die Christelike geloof. Die Bybel beveel Christene: “Maak jou mond oop vir die stomme, vir die regsaak van almal wat wegkwyn” Spreuke 31:8 en “Red die wat na die dood gesleep word, en die wat na die slagbank wankel, hou hulle tog terug!” Spreuke 24:11

90.Die Bybel verwys deurlopend na geld as per gewig. God se Wet verbied diefstal, oneerlike weegstene en mate, inflasie, woekery, ongesteunde geldeenheid en veelvuldige skuldlas. Bybelse Wet vereis eerlike geld, gerugsteun deur ’n ware konstante waarde. (Levitikus 16:35-36; Spreuke 11:1; 20:10,20:23; Amos 8:5-7; Miga 6:11-12)

91.In die Bybel is sonde spesifiek en persoonlik. Dit is die verbreking van God se Wet. Ons is skuldig wanneer ons ongehoorsaam is aan een van God se Wette. Sonde is om nie vir God alleenlik te aanbid nie; dit is om ’n afgod te maak of te aanbid, om God se naam ydellik te gebruik, om die Sabat te ontheilig, om nie ons ouers te eer nie, om ’n onskuldige lewe te neem, owerspel te pleeg, om te steel, om vals getuienis te gee en om te begeer. Maar skuld manipulasie, vals of sielkundig, is vaag en algemeen.

92.Wanneer ons ons bekeer van ons persoonlike skuld aan die verbreking van God se Gebooie, is die resultaat vergifnis, vryheid en versoening. Maar bekering van valse- of sielkundige skuld, bring geen vryheid of vergifnis nie – want die duiwel is ’n genadelose onderdrukker. Ons moet die Bybel en geskiedenis verstaan sodat ons die wêreldse misleiding kan herken, en die pogings om God se mense met skuld te manipuleer kan ontbloot.

93.“As daar geen openbaring is nie, word die volk bandeloos” Spreuke 29:18. Ons benodig ’n positiewe en praktiese visie vanuit God se Woord, vir ons persoonlike lewens, vir ons gesinne, kerke, nasies en vir die wêreld.

94.Ons hoogste prioriteit moet ons liefde, aanbidding, diens, gehoorsaamheid en eer aan God wees. Ons benodig ’n Bybelse visie van geregtigheid, reg, liefde en barmhartigheid nodig. “Hy het geregtigheid en reg lief; die aarde is vol van die goedertierenheid van die Here.” Psalm 33:5

95.“En aan Hom wat mag het om te doen vêr bo alles wat ons bid of dink, volgens die krag wat in ons werk, aan Hom die heerlikheid in die gemeente in Christus Jesus deur alle geslagte tot in ewigheid! Amen.” Efésiërs 3:20-21

Aankoop Die Weerklank van Martin Luther Hier

Dr. Peter Hammond

Reformation Society
P.O.Box 74
Newlands 7725
Cape Town South Africa
Tel: 021-689-4480
Fax: 021-685-5884
Email:   mission@frontline.org.za
Website: www.ReformationSA.org

Geloftedag word op 16 Desember gevier ter herinnering aan die Slag van Bloedrivier, nie net as oorwinning vir die Voortrekkers nie, maar ook as ‘n triomf en oorwinning vir die Westerse beskawing en Christendom in Afrika. Daar bestaan geen rekord van enige Zoeloe-Christene voor 16 Desember 1838 nie.

DIE GEESTELIKE BEVRYDING VAN DIE ZOELOES
Ten spyte van die geestelike arbeid van die Britse en Amerikaanse sendelinge sedert 1820, was die houvas wat bygeloof op hulle gehad het, die regering van die Zoeloekonings en die vrees vir toordokters só groot dat nie een enkele Zoeloe op die prediking van die Evangelie gereageer het voor die nederlaag van Dingaan se impi’s by Bloedrivier nie. Om nog steeds Geloftedag te vier, is geensins anti-Zoeloe nie. Ek het in diepte opgelees oor hulle geskiedenis, strategiese slagvelde en het museums in Zoeloeland besoek. Ek beskou die Verbond wat die Boere met God gesluit het en die daaropvolgende Slag van Bloedrivier as die begin van die geestelike vryheid van die Zoeloes.

ZOELOES GEKERSTEN
Eers ná die Slag van Bloedrivier het honderde, en later duisende, Zoeloes Christus aangeneem. Na die oorwinning oor Dingaan se magte het die Afrikaanse Christene ‘n fantastiese sendingstasie en kerk by Mgundgundlovu (Dingaanstat) gebou.

Dit is binne sig van die plek waar Piet Retief en 100 van sy volgelinge brutaal gemartel en vermoor is. Die Afrikaanse sendelinge het ‘n skool vir blindes, ‘n opleidingskollege vir evangeliste en nog vele ander uitdrukkings van Christelike liefde vir hul voormalige vyande daargestel. As God se volk moet ons God ken en Hom bekend maak. Ons moet ons geskiedenis ken ten einde ‘n beter toekoms te kan bou. Ons moet ‘die tye verstaan’ (1 Kron 12:32) en weet wat God wil hê ons daaromtrent moet doen.

TSAKA EN MFEKANE
Tsaka het die Zoeloes as ‘n groot oorlogvolk gevestig. Hy het vernietigingsgolwe impi ebomvu ( totale oorlog) van stapel gestuur wat groot dele van die land onbewoond gelaat het. Dit het tot die uitwissing van honderde stamme gelei. Bekend as die ‘Swart Napoleon’, het hy Suid-Afrika in bloed geweek en talle krale vernietig – veral tussen 1820 en 1824.

Tsaka word beskryf as groot, aantreklik en ‘n militêre genie. Hy het die Zoeloes as ‘n magtige oorlogmasjien gevestig, nuwe gevegsisteme ingestel en die nuwe aanvalswapen, die assegaai, ingebring.
​
Hy het sy manne verplig om hul sandale weg te gooi en kaalvoet te loop om hul voete ‘hard’ te maak. Sy impi’s moes in dorings dans en indien enigeen pyn gewys het, is hulle onmiddellik van kant gemaak. Hy het sy manne afgerig om as ‘n eenheid, in die vorm van beeshorings, te veg. Die mees ervare impi’s was op die voorpunt om te ‘deurboor’ en die jonger impi’s was agter hulle om die vyand te omsingel. Zoeloes is opgelei om in te gaan om dood te maak. Hulle het elke liewe stam wat hul teengekom het, oorweldig en uitgewis.

DINGAAN SE VERRAAD
Op 22 September 1828 is Tsaka, die Zoeloekoning en grondlegger van die Zoeloes, in sy slaap doodgesteek deur sy halfbroers, Prins Dingaan en Prins Mhlangana. Baie gou na die moord van Tsaka, het Dingaan ook gereël dat Mhlangana vermoor word en kort daarna elke iedere mededinger wat sy pad sou kruis.

Hy was ongeveer 30 jaar oud toe hy koning geword het. Hy het begin om vir homself ‘n nuwe hoofstat in Mgungundlovu (die plek van die groot olifant) te bou. Hy het baie vinnig meer as 300 vroue en byvroue gehad. Anders as Tsaka, het Dingaan verkies om net by sy paleis te bly. Hy was nie ‘n vegter soos Tsaka nie. I.p.v. aan die voorpunt van militêre veldtogte te wees, het hy die impi’s uitgestuur, maar self by die paleis agtergebly en was voortdurend omring deur dansers en feesvierings. Baie gou was hy ‘n gemaksugtige, oorgewig koning.

DIE LIGGELOWIGE PIET RETIEF
Die Trekleier Piet Retief is deur sendelinge gewaarsku toe hy na Dingaan is om te onderhandel vir die Voortrekkers se verblyf in die ontvolkte gebied tussen die Tugelaen Boesmansrivier (die hedendaagse Natal). Retief was egter uitermate vol selfvertroue en het alle waarskuwings verontagsaam.

WAARSKUWINGS VAN SENDELINGE
Eerw. Francis Owen van die Church Missionary Society het as een van die koning se vertalers opgetree. Die meeste inligting omtrent Retief en Dingaan se onderhandelinge kom uit Owen se dagboek. Toe Retief Umgungundlovu bereik het, het die koning hom onthaal. Owen het Retief gewaarsku oor die talle wreedhede, martelings en teregstellings waarvan hy (onder dwang) die getuie was, tog was Retief baie beïndruk deur die ‘erns, edelheid, intelligensie en welwillendheid’ van Dingaan.

Om hierdie artikel te besigtig as 'n PowerPoint, klik hier.
Om na 'n video van hierdie artikel te kyk, klik hier.
Om na hierdie boodskap te luister op Sermon Audio, klik hier.
Om die traktaatjie, "Die Bybel en Halloween" af te laai, te druk of te versprei , klik hier vir afrikaans en hier vir engels. 
Om hierdie artikel in Engels to lees, klik hier.

“Beproef alle dinge; behou die goeie. Onthou julle van elke vorm van kwaad.” 1 Thessalonicense 5:21-22

VEESVIERING VAN DIE BOSE Halloween is ‘n godsdienstige dag, maar dit is nie Christelik nie. Tom Sanguinet, ‘n voormalige hoë priester in Wicca het gesê:
​
“Die moderne vakansie wat ons Halloween noem, het sy oorsprong in die volmaan naaste aan 1 November, die hekse se ‘nuwe jaar’. Dit is ‘n tyd wanneer die geeste (demone) veronderstel is om ‘n hoogtepunt van hulle krag en bedrywigheid te bereik en dan weer die aarde besoek… Halloween is geheel en al, absoluut boos. Daar is niks wat ons ooit kan doen, of gedoen het, wat dit enigsins aanvaarbaar vir die Here Jesus sal maak nie.”

​Dag van die Dode
Halloween het sterk wortels in die heidendom en heksery. Dit het begin as die Druidfees van Samhain. Die Kelte beskou November die 1ste as die dag van die dood, want dit is die begin van winter in die Noordelike halfrond.  Die blare begin val, dit word vroeër donker en die temperature daal.  Hulle het geglo dat hulle songod krag verloor en Samhain, die heer van die dood, was besig om die songod te oorweldig.   Die Druïde het ook geleer dat op 31 Oktober, op die vooraand van die fees, Samhain die geeste van almal wat in die vorige jaar gesterf het, vergader om terug te keer na hulle vorige wonings om die lewendes daar te besoek.
 
Mens en Dierlike Offergawes  
Vir duisende jare het die druidpriesters op Halloween diabolise aanbiddings-seremonies gehou waar katte, perde, skape, beeste, mense en ander offergawes in hokke gesit, en dan doodgebrand is. Hierdie mens en dierlike-offers was glo nodig om Samhain te kalmeer sodat die geeste hulle nie leed moet aandoen nie.
 
“Trick or Treat”
Om hierdie offergawes te verkry, het die druidpriesters van huis tot huis gegaan en gevra vir vetgemaakte kalwers, swart skape en mense. Diegene wat gegee het was voorspoed belowe, en diegene wat geweier het om te gee was gedreig en vervloek. Dit is die oorsprong van "trick or treat ."
 
“Jack-O-Lantern”
Die “Jack-O-Lantern” het sy oorsprong in die kerslig pampoen of skedel wat gedien het as 'n simbool om die plase en huise te merk van diegene wat die Druïde-godsdiens ondersteun.  Hierdie huise was dus op soek na hulle “treat” wanneer die gruwel van Halloween begin.  Die ‘World Book Encyclopedia’ verklaar: "Die oënskynlik skadelose, verligte pampoen gesig van die Jack -O-Lantern is 'n antieke simbool van 'n verdoemde siel".
 
Dans van die Dood
Terwyl mense en diere van pyn skree terwyl hulle dood brand, het die Druïde en hulle volgelinge kostuums aangetrek wat van dierevelle en koppe gemaak is. Hulle sal dans, chant en deur vlamme spring, in die hoop om die bose geeste af te weer. 
 
“House of Horrors”
Een van die gewilde helde van Halloween, graaf Dracula, was ook 'n regte persoon. Dracula het van 1431 tot 1476 gelewe. Gedurende die ses jaar wat hy regeer het, het Dracula meer as 100,000 mans, vroue en kinders in die mees afskuwelikste maniere uitgemoor. Hy het 'n plan beraam om sy land van die ‘las’ van bedelaars, gestremdes, siekes en bejaardes te bevry, deur hulle na ‘n fees te nooi by een van sy paleise. Hy het hulle goed gevoer en dronk gemaak. Dan het hy hulle gevra: “Wil julle sonder sorge wees en aan niks ontbreek nie?” Wanneer sy gaste dan “Ja!” geskree het, het Dracula die bevel gegee om die paleis te seel en aan die brand te steek. Niemand het van hierdie oorspronklike “house of horrors” ontsnap nie.
 
God se Woord
“As jy kom in die land wat die Here jou God jou sal gee, moet jy nie leer om volgens die gruwels van daardie nasies te doen nie. Daar mag niemand by jou gevind word wat sy seun of sy dogter deur die vuur laat deurgaan — wat met waarsêery, goëlery of met verklaring van voortekens of towery omgaan nie, of wat met besweringe omgaan, of wat ’n gees van ’n afgestorwene vra of ’n gees wat waarsê, of wat die dooies raadpleeg nie. Want elkeen wat hierdie dinge doen, is vir die Here ’n gruwel; en om hierdie gruwels ontwil verdryf die Here jou God hulle voor jou uit. Opreg moet jy wees met die Here jou God. Want hierdie nasies wat jy uit hulle besitting verdrywe, luister na goëlaars en waarsêers; maar wat jou aangaan, die Here jou God het jou nie so iets toegelaat nie.” Deuteronómium 18:9-14
 
“En hulle moet my volk die onderskeid leer tussen wat heilig en onheilig is, en hulle bekend maak die onderskeid tussen wat onrein en rein is.” Eségiël 44:23
 
“My volk gaan te gronde weens gebrek aan kennis; omdat jý die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die Wet van jou God vergeet het, sal Ek ook jou kinders vergeet.” Hoséa 4:6
 
“Oefen (lei op) die seun volgens die eis van sy weg; dan sal hy, ook as hy oud word, daar nie van afwyk nie.” Spreuke 22:6
 
“Maar elkeen wat een van hierdie kleintjies wat in My glo, laat struikel, dit is vir hom beter dat ’n meulsteen aan sy nek gehang word en hy wegsink in die diepte van die see. Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom.” Matthéüs 18:6-7
 
“Laat die liefde ongeveins wees; verafsku wat sleg is; hang die goeie aan.” Romeine 12:9
 
“Die nag het ver gevorder en dit is amper dag. Laat ons dan die werke van die duisternis aflê en die wapens van die lig aangord.” Romeine 13:12
 
“Julle kan nie die beker van die Here drink en ook die beker van die duiwels nie. Julle kan nie deel hê aan die Tafel van die Here en ook aan die tafel van die duiwels nie.” 1 Korintiërs 10:21
 
“Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis? En watter ooreenstemming het Christus met Bélial, of watter aandeel het die gelowige met die ongelowige? Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My ’n volk wees. Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem.” 2 Korintiërs 6:14-17
 
“…en hou nie gemeenskap met die onvrugbare werke van die duisternis nie, maar bestraf dit liewer.” Efésiërs 5:11
 
“Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is—watter deug en watter lof daar ook mag wees, bedink dit.”  Filippense 4:8
 
“MAAR die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang deur die geveinsdheid van leuenaars wat gebrandmerk is in hulle eie gewete.” 1 Timótheüs 4:1-2
 
“Onderwerp julle dan aan God; weerstaan die duiwel, en hy sal van julle wegvlug.” Jakobus 4:7
 
“Reine en onbesmette godsdiens voor God en die Vader is dít: om wese en weduwees in hulle verdrukking te besoek en jouself vlekkeloos te bewaar van die wêreld.” Jakobus 1:27
 
“Geliefde, moenie navolg wat kwaad is nie, maar wat goed is. Hy wat goed doen, is uit God; maar hy wat kwaad doen, het God nie gesien nie.” 3 Johannes 11
 
Deelname in die Heidendom
In plaas daarvan om deel te wees van die heindendom, te stap in die voetspore van Wicca, in harmonie met Halloween te wees, ons kinders toe te laat om wreedheid te vier en rond te speel met ‘n dag van dood, moet ons eerder ons families en gemeentes kry om elke jaar die Reformasie te vier wat op 31 Oktober plaasvind en wat as Hervormingsdag bekendstaan.
 
Hervormingsdag vs Halloween
Op 31 Oktober 1517 het dr. Martin Luther die 95 Stellings aan die deur van die Slosskirche (kasteel kerk ) in Wittenberg, Duitsland, vasgespyker. Sy besliste uitdaging en opstanding teen die onbybelse praktyke van die Middeleeuse Romeinse pous het die Protestantse Hervormings-beweging geïnspireer.
 
Alle Bybel-gelowige kerke behoort hierdie dag van die grootste Herlewing van Geloof en vryheid te vier. Die Reformasie was een van die belangrikste draaipunte in wêreld geskiedenis. Die energie wat deur die herontdekking van die Bybel, in die algemene taal, vrygestel is het gelei tot die mees uitsonderlike geestelike Herlewing in die geskiedenis.  Die Reformasie het die Christene van Noord-Europa bevry vanuit die verval van die Renaissance heidendom en het gelei tot die grootste vryheid en wetenskaplike ontdekkings in die geskiedenis
 
Elke Bybel-gelowige Christen moet die Reformasie vier. Geen Christen moet deel wees van die vieringe van die okkultiese Halloween nie.
 
Ons is in 'n geestelike wêreldoorlog. Dieremishandeling, vandalisme en moorde vind op ‘n baie groter skaal plaas tydens Halloween. Elke jaar, gedurende Halloween, word duisende diere, en selfs mense, opgeoffer in sataniese rituele wêreldwyd, terwyl miljoene ander mense, insluitend welmenende Christene, deel neem aan hierdie oënskynlike ‘onskuldige’ Halloween vieringe.  Halloween is 'n werwings tyd vir hekse en sataniste. Baie mense getuig dat hulle aan die okkulte bekendgestel is tydens ‘n Halloween partytjie. Halloween is baie godsdienstig, maar dit is nie Christelik nie.
 
“Laat jou nie deur die kwaad oorwin nie, maar oorwin die kwaad deur die goeie.”  Romeine 12:21
 
Kies Lewe
Neem standpunt in teen Halloween hierdie 31ste Oktober – mobiliseer jou familie en gemeente om die Reformasie te vier en deel te neem in geestelike oorlogvoering, gebed, gebede deur die boek van Psalms, en deel die Evangelie met vriende en bure – veral diegene wat onnadenkend deelneem in hierdie okkultiese vieringe van waarsêery, geestebeswering, menslike offerande en wreedheid teenoor diere.
 
“Eindelik, my broeders, word kragtig in die Here en in die krag van Sy sterkte.   Trek die volle wapenrusting van God aan, sodat julle staande kan bly teen die liste van die duiwel.   Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.  Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly. Staan dan vas, julle lendene met die waarheid omgord, met die borswapen van die geregtigheid aan, en as skoene aan julle voete die bereidheid vir die evangelie van vrede.  Behalwe dit alles neem die skild van die geloof op waarmee julle al die vurige pyle van die bose sal kan uitblus.  En neem aan die helm van verlossing en die swaard van die Gees – dit is die Woord van God – terwyl julle met alle gebed en smeking by elke geleentheid bid in die gees, en juis daartoe waak met alle volharding en smeking vir al die heiliges.” Efésiërs 6:10-18
 
 
AFRICA CHRISTIAN ACTION
info@ChristianAction.org.za
www.ChristianAction.org.za
www.ReformationSA.org
021-689-4480

Onderwys Het ‘n Strydtoneel Geword

Enigiemand wat glo dat onderwys neutraal kan wees, maak ‘n groot fout. Idees het gevolge. Aksies vloei uit gedagtepatrone. Ouers kom nie te staan voor die keuse om hul kinders na ‘n godsdienstige of ‘n nie-godsdienstige skool te stuur nie.

Alle skole is godsdienstig. Ouers moet eerder kies watter godsdiens aan hulle kinders geleer sal word. Sal dit die Christelike geloof wees, Islam, humanisme of iets anders?

Sal dit die sekulêre humanisme van die Amerikaanse staatskole wees – waar gebed onwettig is, maar waar pornografie deel mag uitmaak van die seksvoorligting sillabus? Waar evolusie ‘n geloofsartikel is, ‘n heilige koei, en wetenskaplike bewyse van die Skepping verban word? Die feite dat een uit elke tien geweldsmisdade in die VSA nou in skole voorkom, en dat daar elke jaar meer as 700 000 hoërskool leerlinge gradueer wat prakties ongeletterd is, het daartoe gelei dat Amerikaanse ouers sewe miljoen kinders uit die staatskole gehaal het. Dit wil voorkom of sekulêr humanistiese onderwys die mees effektiewe manier is om ongeletterdes te produseer, om morele standaarde te verlaag en om geslagsiektes te laat toeneem.

Sal jou kinders die revolusionêre humanisme van die mislukte sosialistiese eksperimente van Oos-Europa, Kambodja, Nicaragua, Ethiopië en Mosambiek ontvang? Die verwoeste ekonomieë en vermorste potensiaal van hierdie lande, met hulle slagvelde en konsentrasiekamp gulags, dien nie juis as aanbeveling vir “wetenskaplike” of revolusionêre humanisme nie.

Miskien sal dit die “volksonderwys” van die ANC/SAKP kamerade wees? ‘n Onderwys van politisering, goedkoop slagspreuke, clichés, papegaai krete, “vryheidsliedere”, opgehefde vuiste en die “toyi toyi” zombie dans. Die eindelose boikotte, stakings, optogte, oproer, klipgooiery, vandalisme en geweld het as produk voortgebring ‘n verlore geslag van miljoene onopgeleides, mense wat nie geskik is vir werk nie, boewe, diewe, bedelaars, oproeriges, terroriste, en “politieke aktiviste”.

Ontvang jou kinders miskien alreeds die mistiese humanisme van nuwe era okkultisme onder die dekmantel van onderwys?

Die punt is dat onderwys, in wese, godsdienstig is, omdat dit ‘n spesifieke perspektief en seleksie van geskiedenis, waardes en praktyke aanbied, en ‘n bepaalde wêreldbeeld voorskryf.

“Pas op dat niemand julle as ‘n buit wegvoer deur die wysbegeerte en nietige misleiding nie, volgens die oorlewering van die mense, volgens die eerste beginsels van die wêreld en nie volgens Christus nie.” Kolossense 2:8

Ouers kan die taak van hul kinders se opvoeding delegeer, maar nie die verantwoordelikheid daarvan nie .

Kinders behoort nie aan die staat nie. Hulle behoort aan God en word deur Hom aan hul ouers toevertrou “maar voed hulle op in die tug en vermaning van die Here” Efesiërs 6:4. Ouers is voor die Here verantwoordelik om toesig te hou oor die onderwysers, handboeke en sillabusse wat hul kinders se denke sal vorm en vul vir die 15 000 ure van skool onderrig. Alle Christen ouers behoort betrokke te wees in die Skoolbestuursrade van hulle plaaslike skole en behoort ‘n aktiewe rol te speel in die opvoeding van hulle kinders volgens Bybelse beginsels. Die beheer van onderwys behoort in die hande van ouers te wees, en die inhoud van die onderwys moet op die Bybel gebaseer wees.

“Die vrees van die Here is die beginsel van die wysheid; almal wat dit beoefen, het ‘n goeie verstand.” Psalm 111:10

Hiervolgens het Die KwasiZabantu Verklaring 1991 verklaar: “5.b) Die reg om kinders na skole van die ouers se keuse te stuur (Kolossense 2:8). Omdat die opvoeding van die kinders in wese die plig van die gesin en die Kerk is, en nie die van die Staat nie, behoort ouers baie meer betrokke te raak in die ouer-onderwyser verenigings en die skool bestuursrade, selfs tot die punt waar hulle die kurrikulum beïnvloed. Staatskole behoort oopgestel te word vir die prediking van die Evangelie en behoort hul kurrikulum te baseer op morele en gesinswaardes. As die nuwe dispensasie ‘n skoolstelsel instel wat dit verwerp, behoort Christen ouers aangemoedig te word om na alternatiewe te kyk, wat ‘n terugkeer na Christen provaatskole sal insluit.”

Met onlangse verwikkelinge van die onderwys in Suid-Afrika – met stappe om die lees van die Bybel, gebed en die sing van gesange by byeenkomste te verbied, neem toenemend meer ouers hul kinders uit die staatskole en draai na privaat Christenskole en tuisonderrig.

“En hierdie woord wat ek jou vandag beveel, moet in jou hart wees; en jy moet dit jou kinders inskerp en daaroor spreek as jy in jou huis sit en as jy op pad is en as jy gaan lê en as jy opstaan. Ook moet jy dit as ‘n teken bind op jou hand, en dit moet as ‘n voorhoofsband tussen jou oë wees. En jy moet dit op die deurposte van jou huis en op jou poorte skrywe.” Deuteronómium 6:6-9

Hierdie boek kan verkry word vanaf:

Christian Liberty Books
Hulpbronne vir Hervorming en Herlewing
Posbus 358 Howard Place 7450 Pinelands, Kaapstad, Suid-Afrika
Tel: 021 689 7478 Faks: 086 551 7490
admin@christianlibertybooks.co.za
www.christianlibertybooks.co.za

Die Humanistiese Standpunt

Dit wil voorkom asof ons samelewing vasgevang is deur die humanisme van agtiende eeuse Franse filosowe soos Voltaire en Rousseau: Dat die mens in beginsel goed is; dat die menslike natuur verbeter en dat dit vervolmaak kan word. Om hierdie rede word diewe, verkragters en moordenaars behandel as “slagoffers van die samelewing”, wat behandeling en rehabilitasie nodig het, in plaas van skurke wat vergelding en straf moet ontvang.

Die huidige klimaat in die wêreld is een van “onderhandeling” (bedoelende: kompromie), “eenheid” (bedoelende: onderwerping), “liefde” (bedoelende: passiewe aanvaarding van sonde), en “vrede” (bedoelende: geen weerstand teen terrorisme). Die skandaal is dat onder hierdie misleiding, terroriste vrygelaat kan word, terwyl polisiemanne in die tronk beland. Moordenaars kan kwytgeskeld word terwyl soldate vervolg word. Sommige geestelikes/predikante en politici voer veldtogte om veroordeelde moordenaars te red deur die doodstraf te beëindig, terwyl hulle onskuldige babas tot die dood veroordeel deur aborsie aan te moedig.

In hierdie era van versoening, blyk dit dat persoonlike en openbare beleid nie bepaal word deur “wat is reg?” nie, maar deur “wat is gewild?”. Afrika probeer nie eers meer om elke area van die lewe getrou, in gehoorsaamheid aan die Woord van God, te bou nie. Die “Nuwe Suid-Afrika” het Bybelse beginsels oorboord gegooi en humanisme met ‘n ongelooflike spoed aangeneem.

Francis Schaeffer definieer humanisme as: “die plaas van die mens in die middel van alle dinge en die maak van die mens as maatstaf vir alle dinge.”

Alexander Solzhenitzyn beskryf dit as: “die proklamasie en praktyk van die outonomie van die mens van enige hoër Mag.”

Volgens die humanistiese denke, is daar geen duidelike standaard van reg en verkeerd nie.

Die onvermydelike gevolg van humanisme kan gesien word in die totalitarisme en slagtings van die kommunistiese Ooste en die permissiwiteit en dekadensie van die demokratiese Weste.

Humaniste moet verantwoordelikheid neem vir die groot slagting van aborsie, die pornografie plaag, die dwelm epidemie, die VIGS pandemie, die golf van misdaad, en die toename van perversie. Hierdie rampe is die logiese gevolg van die verwerping van die Wet van God en die bevordering van situasie-etiek, evolusionisme, permissiwiteit en “alternatiewe lewenstyle”.

En dit is op hierdie plek waar ons onsself vandag bevind. Ons samelewing het Bybelse Hervorming dringend nodig, en ons kerke herlewing. Waar die Hervormers, Puriteine, Hugenote en Pelgrims bekend was vir moed en beginselvaste getrouheid aan die Woord van God, is ons geslag duidelik vol lafhartigheid, liefde vir plesier, en kompromie.

Die Hervormers se Posisie

Die Bybelse leerstelling van die totale verdorwenheid van die menslike natuur - dat die mens van nature sondig is en God nie kan behaag nie – het die Hervormersgelei om ‘n teenoorgestelde posisie in te neem as dié van die Humaniste. Die Hervormers het geglo dat die menslike natuur in wese sondig en selfsugtig is. Daarom was hulle ten gunste van ‘n regeringsvorm met streng wette en swaar strawwe vir kriminele gedrag. Hulle het erken dat die burgerlike regering genoeg mag moet hê om die bose drifte van sondige mense in bedwang te hou. Omdat hulle egter besef het dat “mag korrupteer, en absolute mag korrupteer absoluut” het hulle geweet dat die regeerders nie vertrou kon word met absolute mag nie.

Hulle oplossing was nie die heidense Griekse Utopia van Demokrasie – waar die mens heers – nie, maar ‘n grondwetlike republiek – waar die Wet regeer. Daarom het die Hervormers daarna gestreef om hul republieke te bou op die onveranderbare Wet van die Woord van God. In plaas van heersers, het hulle beamptes verkies - staatsamptenare – wat gebonde was deur die kettings van die grondwet. Hulle was ten gunste van desentralisering en daarom het hulle ‘n stelsel van vergelyking en balansering opgerig om die mag en verantwoordelikheid in ‘n Trinitariese model van Uitvoerende, Wetgewende en Regterlike afdelings van staatsbestuur te verdeel (Jesaja 33:22).

Weens hulle versigtigheid vir die menslike natuur van buitelandse magte, was hulle ook ten gunste van ‘n sterk militêre verdediging om ‘n afskrikmiddel te wees teen aanvalle en om die vryheid en sekuriteit van die inwoners te beskerm.

Christene glo dat God se Wet, soos geopenbaar in Sy Woord, die Bybel, die absolute en onveranderlike beginsels bevat waardeur alle gebiede van die lewe regeer moet word. Die Wet van God reflekteer die ewige en onveranderlike karakter en wil van God, en kan daarom nie geïgnoreer word nie.

Ons besorgdheid om God se geopenbaarde Wet op die alledaagse lewe toe te pas, vloei uit die Bybelse leerstellings oor die Soewereiniteit van God en die sondigheid van die mens.

Een van die basiese verskille tussen die Bybelse Christendom en die humanistiese geloof is dat: die Bybelse geloof ‘n reaksie op Waarheid is, terwyl die mens-gesentreerde geloof ‘n poging is om God te manipuleer. Die Bybelse geloof mik om God te behaag, terwyl die mens-gesentreerde geloof mik na selfbevrediging.

Die Bybel verklaar dat “Jesus, Here is” oor alle gebiede van die lewe (Kolossense. 1:15-17). “Die aarde behoort aan die Here en die volheid daarvan, die wêreld en die wat daarin woon” Psalm 24:1. Christene moet sout en die lig wees (Matthéüs 5:13-16), om die goeie in die samelewing te bewaar en die wêreld met ons getuienis van Christus te verlig. In dieGroot Opdraghet ons Here ons beveel: “...maak dissipels van al die nasies...en leer hulle om alles te onderhou wat Ek julle beveel het” Matthéüs 28:19

Slegs deur landswye berou, herlewing en hervorming kan ons die morele mure van ons samelewing herbou.

Die Keuse lê by Ons

Dit is óf God se Wet, óf God se Oordeel. Óf herlewing, óf chaos.

“en My volk, oor wie My Naam uitgeroep is, hulle verootmoedig en bid en My aangesig soek en hulle bekeer van hul verkeerde weë, dan sal Ek uit die Hemel hoor en hulle sonde vergewe en hulle land genees.” 2 Kronieke 7:14

Hierdie boek kan verkry word deur: 

Christian Liberty Books, Posbus 358, Howard Place 7450, Kaapstad, Suid-Afrika, Tel.: 021-689-7478, Faks: 086-551-7490; E-Pos: admin@christianlibertybooks.co.za, Webwerf: www.christianlibertybooks.co.za.

In die heel begin van die geskiedenis, het God die mens geroep om te werk. God het werk ingestel voor die Sondeval. Werk is nie deel van die vloek nie. Adam was beveel om die tuin te bewerk en te bewaak voordat hy in sonde verval het (Génesis 2:15). Arbeid is ‘n Godgegewe verantwoordelikheid. Werk is nie ‘n vloek wat vermy moet word nie, dit is ook nie ‘n onwenslike aktiwiteit wat net wanneer nodig beoefen moet word nie. In die Bybel word ons beveel:

“Lê jou daarop toe om jou beproef voor God te stel as ‘n werker wat hom nie hoef te skaam nie...”2 Timótheüs 2:15

Voor die koms van Christus, het die heidense nasies eerlike werk verag en dit aan slawe opgedra. Toe Christus gebore is, was die helfte van die bevolking van die Romeinse Ryk slawe. ‘n Driekwart van die bevolking van Athene was slawe.

Toe Lukas Athene besoek het, het hy opgemerk dat: “al die Atheners en die uitlanders wat by hulle gewoon het, vir niks anders tyd gehad as om iets nuuts te sê en te hoor nie.” Handelinge 17:21.

Maar Jesus het ‘n omwenteling in arbeid gebring. Deur die byl, die saag, die hamer en die skaaf as ‘n skrynwerker op te neem, het ons Here aan arbeid ‘n nuwe waardigheid toegedig. Die Christendom het slawerny ondergrawe deur waardigheid aan arbeid te gee. Deur die hervorming van werk het die Christendom die hele sosiale orde getransformeer. Met die tyd het dit die vryemarkstelsel as ‘n gevolg gehad, wat ongeëwenaarde voorspoed en vooruitgang vir biljoene mense tot gevolg gehad het.

“Die hand van die vlytiges maak ryk.” Spreuke 10:4

God is ‘n arbeider. God het gewerk om die wêreld te skep en Hy werk om dit te onderhou. Hy is ook konstant aan die werk om Sy doelwitte in die geskiedenis en in die lewe van elke persoon te vervul (Filippense 2:13). Soos ons Here Jesus verklaar het: “My Vader werk tot nou toe, en Ek werk ook” Johannes 5:17.

God het sy werk “goed” genoem, en hiermee bevestig dat werk ‘n inherente waarde het. Werk is nie ‘n skande nie – die skande is ledigheid.

“Alreeds hy wat hom slap hou in sy werk, hy is ‘n broer van ‘n verwoester.” Spreuke 18:9

God het die mens na Sy beeld geskep as ‘n werker. Voor die Sondeval, het God aan mans en vroue die taak opgedra om om te sien na Sy aardse Skepping en om die tuin waarin hulle gewoon het te bewerk (Génesis 1:26-29; 2:8,15). Werk is ‘n geskenk aan ons. Deur verantwoordelikhede aan Adam en Eva op te dra, het God hulle belangrik en waardevol gemaak. Deur vlytig te werk het hulle die beeld van God uitgedra. Dit was die eerste vennootskap. Adam en Eva was geskep as medewerkers van God. God het die tuin geplant en die mens het dit bewerk. Alle wettige werk is ‘n verlengstuk van God se werk.

“... doen alles tot verheerliking van God.”2 Korinthiërs 10:31

Dit wil ongelukkig voorkom of baie Christene hierdie Christelike werksetiek verloor het. Die meeste mense leef onder die illusie dat God net besorgd is oor ons suiwer geestelike werk. Hierdie misverstand is gebaseer op hierdie vier verkeerde aannames:

Dat God net belangstel in mense se siele, en nie hul liggame nie.

Dat die dinge van die ewigheid van so ‘n oorweldigende belang is, dat dit alle dinge wat met die hede te make het uitsluit.

Die lewe is verdeel tussen die sekulêre en die geestelike.

Om ‘n predikant, evangelis of sendeling te word, is die enigste manier om God te dien.

Die Bybel wys ons egter dat God belangstel in die mens as geheel, nie in siele sonder liggame nie. Baie van Amy Carmichael se mede-sendelinge in Indië, het haar ywer om ‘n kinderhuis en skool te bou, as ‘n “wêreldse aktiwiteit” beskou wat haar aandag afgetrek het daarvan om “siele te red”, waarop sy geantwoord het: “Siele is min of meer stewig vas aan liggame.”

Die fabrikant wat die goedere verskaf, die vervoerder wat verspreiding verseker, en die winkeleienaar wat die item aan ons toeganklik maak is net so noodsaaklik in ons lewens as diegene wat elektrisiteit verskaf, die loodgieters en die padwerkers. Ons het die onderwysers, verpleegsters, polisiemanne, brandweermanne, posmanne, besigheidsmanne, sekretaresses, motorwerktuigkundiges en ander werkers nodig.

Wat aangaan in beide tyd en ewigheid is albei ewe belangrik vir ons Soewereine God. Deur God se medewerkers te wees, deur te sorg dat Sy fisiese, tydelike wêreld glad verloop is belangrik, en so ook om Sy medewerkers te wees in evangelisasie. Die ewigheid is ons uiteindelike bestemming en ons sal almal voor ons Almagtige God moet verantwoording aflê vir ons lewens op aarde. In die lig van die ewigheid moet ons vlytig werk op aarde. As God jou ontwerp het om ‘n argitek, ‘n skrynwerker of ‘n bouer te wees, bou dan geboue tot eer van God. Die kwaliteit van ons daaglikse werk moet getuie wees van ons geloof in Christus. Soos Martin Luther verklaar het: “’n Melkmeisie kan koeie melk tot eer van God.”

Vir Vervulling van die Groot Opdrag
Goeie werk wat goed gedoen is, is ‘n belangrike deel daarvan om die Groot Opdrag te vervul. God het alle Christene opdrag gegee om die Evangelie van Christus te verkondig. Ons getuienis moet nie net deur ons woorde uitgedra word nie, maar ook deur ons dade. Dit is nie net dit wat ons sê wat ons geloof uitdra nie – dit is dit wat ons doen. Ons woorde beteken niks as dit nie deur ons werke ondersteun word nie (Jakobus 2:14-26).

Die groot gebooie van Christus is dat ons God moet liefhê en dat ons ander mense moet liefhê (Markus 12:30,31). Een van die maniere waarop ons liefde vir God kan betoon is deur na Sy skepping om te sien – deur God se beeld uit te dra deur nuttige werk. En een van die primêre maniere om liefde vir mense te betoon is deur produktiewe werk te doen wat bydra tot hul welsyn.

Een van die beste illustrasies om in preke te gebruik is die daaglikse getuienis van ‘n Christen wat sy werk met integriteit en vlytigheid verrig. Wanneer ander ons besorgdheid oor beide mense en produkte sien, verdien ons hulle respek en hul belangstelling in wat ons motiveer.

Vir die meeste Christene is ons werksplek ons hoof sendingveld. Ons werk is nie sekondêr aan die maak van vriende en die verkondiging van die Evangelie nie. In werklikheid is die voltooiing van ons “sekulêre” werk op ‘n manier wat tot eer van God is, een van die kragtigste demonstrasies van die Evangelie. Deur betekenisvolle werk kan ons ons liefde vir God, Sy Woord en Sy mense bekend maak deur: mense te dien, aan ons eie behoeftes te voldoen, aan ons gesin se behoeftes te voldoen; genoeg geld te verdien om vrygewig teenoor ander te wees, gasvryheid te beoefen en om ons plaaslike kerke, liefdadigheidsorganisasies en sendings te ondersteun. Soos John Wesley geleer het: “godsdiens moet noodwendig beide ywerigheid en spaarsamigheid tot gevolg hê.” Wanneer ons besef dat God ons in ons werk geplaas het om Sy medewerkers te wees, by te dra tot sy skepping, lei dit tot ‘n gevoel van waardigheid en rigting in ons werk.

Die Skrif verklaar dat ‘n ywerige huisvrou en hardwerkende moeder die Here behaag en haar man verbly (Spreuke 31:10-31). ‘n Man wat versuim om vir sy gesin te sorg “het die geloof verloën en is slegter as ‘n ongelowige.” 1 Timóthéüs 5:8.Christene word beveel om te leer om hulself toe te wy “om vir die noodsaaklike behoeftes goeie werke voor te staan, sodat hulle nie onvrugbaar mag wees nie” Titus 3:14.

In die gelykenis van die talente, het Jesus ons geleer om Hom getrou te dien met die talente wat Hy aan ons sorg toevertrou het (Matthéüs 25:14-30). Christene moet werk sodat hulle aan ander kan gee: “Laat die een wat steel, nie meer steel nie; maar laat hom liewer arbei deur met sy hande te werk wat goed is, sodat hy iets kan hê om mee te deel aan die een wat gebrek het” Efésiërs 4:28. Om ‘n getroue werker te wees is ‘n kragtige getuienis aan buitestaanders: “... en julle eer daarin te stel om rustig te lewe en julle eie sake te behartig en met julle eie hande te werk, soos ons julle beveel het, sodat julle welvoeglik kan wandel teenoor die wat buite is, en aan niks behoefte mag hê nie” 1 Thessalonicense 4:11-12.

Die Skrif is skerp daarin om God se afkeur aan luiheid op te teken:

“Gaan na die mier, luiaard, kyk na sy weë en word wys! Hy wat geen aanvoerder, opsigter of heerser het nie, maak sy brood klaar in die somer, bêre sy voedsel weg in die oestyd. Hoe lank, luiaard, sal jy bly lê, wanneer sal jy opstaan uit jou slaap? Nog ‘n bietjie slaap, nog ‘n bietjie sluimer, nog ‘n bietjie hande vou om uit te rus! So kom dan jou armoede soos ‘n rondloper en jou gebrek soos ‘n gewapende man.”Spreuke 6:6-11

“Deur allerhande luiheid versak die balkwerk, en deur slapheid van die hande lek die huis.” Prediker 10:18

“Wat staan julle hier die hele dag ledig?” Matthéüs 20:6

Dit is ‘n skande om lui te wees (Spreuke 10:5). Lui mense vind verskonings om nie te werk nie (Spreuke 15:19; 26:13-16). Diegene wat lief is om te slaap sal arm word (Spreuke 19:15; 20:13).

“Ek het by die land van ‘n lui man verbygeloop en langs die wingerd van ‘n verstandlose mens, en kyk, dit was heeltemal toegegroei van die dorings, sy oppervlakte was oordek met brandnekels en sy klipmuur omgegooi... Nog ‘n bietjie slaap, nog ‘n bietjie sluimer, nog ‘n bietjie hande vou om uit te rus; dan kom jou armoede aangeloop en jou gebrek soos ‘n gewapende man.” Spreuke 24:30-34

Daarom het die Apostel Paulus geleer:

“Want julle weet self hoe julle ons moet navolg, want ons het ons nie onordelik onder julle gedra nie... maar ons het met arbeid en inspanning nag en dag gewerk om nie iemand van julle tot las te wees nie... maar om onsself vir julle as ‘n voorbeeld te stel...Want ook toe ons by julle was, het ons julle dit altyd beveel: as iemand nie wil werk nie, moet hy ook nie eet nie.”2 Thessalonicense 3:7-10

Op die oordeelsdag “(sal) elkeen se werk... aan die lig kom” 1 Korinthiërs 3:13.Jesus het geleer dat “... elkeen wat onder julle groot wil word, moet julle dienaar wees” Matthéüs 20:26.

Die Ekonomiese Vrugte van Geloof
Dr. James Kennedy skryf in sy boek “What if Jesus had never been born?” die volgende waarnemings oor die rol van geloof in ekonomie: “Waarom het Amerika en, vir die grootste gedeelte, die Weste, sulke materiële oorvloed geniet? Waarom het sommige van die Asiatiese lande ook begin floreer nadat hulle ekonomiese idees van die Weste aangeneem het? As jy kyk na die arm lande regoor die wêreld, sal jy vind dat dit wat die Bybel sê waar is: hulle is wat hulle is oor wat hulle glo. “Want soos hy in sy siel bereken, so is hy” Spreuke 23:7. Kyk na Indië, ‘n nasie wat stagneer het in sy armoede vir verskeie millenniums. Waarom? Oor dit wat die mense glo. Sy Hindoe godsdiens leer dat daar geen realiteit aan materie is nie. Die eksterne, sienbare wêreld is onwerklik daarom, probeer jy nie om die onwerklike wêreld reg te maak nie; jy probeer daarvan ontvlug. Gevolglik sterf vooruitgang. En die geloof in reïnkarnasie het ook ‘n vernietigende effek op die nasie se armoede gehad. Of kyk na Noord Afrika, wat vir honderde jare versink is in armoede, bygeloof en onkunde. Waarom? Oor dit wat die mense glo. Die fatalisme van Islam het die Moslems weerhou van vooruitgang omdat menslike inisiatief absoluut niks kan bereik nie, en omdat alles wat is deur Allah voorbestem is; daarom bly hulle in aanhoudende stagnasie of oorweeg die baie nasies van die Ooste (voor die Westerse invloed), wie se godsdiens Boeddhisme is, wat leer dat die lewe onherstelbaar boos is en nie verander kan word nie. Die mense se enigste hoop is om homself vry te maak van alle begeertes vir enige verbetering in hierdie lewe. Die doelwit is nie ‘n meer oorvloedige lewe nie, maar sy uitsterwing en absorpsie in die wêreld-siel en so word die wortels van sosiale verbetering afgekap. Dit is nie die geval met die nasies wat ‘n Christelike basis gehad het nie, veral nie wanneer hulle ‘n meer Bybelse interpretasie van ekonomie toegepas het nie.”

Baie mense sal verbaas wees om uit te vind dat daar in die Bybel meer as 700 verwysings na geld is. Byna twee derdes van die aangetekende gelykenisse van Christus handel oor die gebruik en hantering van geld. In die Tien Gebooie het God die grondslag gelê vir alle goeie ekonomie: privaat eienaarskap van eiendom. Die reg op lewe, vryheid en eiendom en die belangrikheid van die gesinseenheid as die basiese bousteen van die samelewing is uitgespel in Exodus 20.

Die gebooie, “Jy mag nie steel nie... Jy mag nie begeer nie” het miljoene gelowiges geïnspireer om hard te werk, betyds op te daag en om eerlik te wees. Die vryemarkstelsel het die hoogste lewenstandaarde op aarde sedert die Skepping gegenereer. Baie Christene kan getuig van die feit dat toe hulle Christene geword het, hulle begin floreer het. Eerstens, omdat hulle opgehou het om hulle geld te mors op alkohol, dobbel, sigarette, dwelms, prostitute, pornografie en ander verdorwenheid (1 Petrus 4:2-3).

In die tweede plek, het hulle begin om ‘n doel te hê vir hul lewens en werk, “En wat julle ook al doen in woord of in daad, doen alles in die Naam van die Here Jesus en dank God die Vader deur Hom” Kolossense 3:17.

Derdens, het Christene nuwe wysheid, inspirasie en krag van God (Jakobus 1:5, Filippense 4:13).

Vierdens, is Christene bevry van baie angste, bekommernisse en vrese wat so frustrerend en beperkend is (Filippense 4:6).

Die Effek van Sonde op Werk
Toe die mens teen God gerebelleer het, is die grond wat die mens moes bewerk vervloek, maar die taak om dit te bewerk was nie ‘n straf nie (Génesis 3:14-19). Om die sondige mens toe te laat om die verantwoordelikheid te kry om bietjie konstruktiewe werk te onderneem, was eintlik ‘n genade gawe. Die duiwel vind bose werke vir ledige hande, so produktiewe werk is in werklikheid ‘n beskerming teen die verval in selfs erger sonde.

Werkloosheid praat harder as woorde. Ledigheid is ‘n vyand van die siel. Ons ledige dae is Satan se besige dae. Soos C.H. Spurgeon gesê het: “Sommige versoekings kom na die vlytiges, maar alle versoekings kom na die wat ledig is.”

Sonde, maak werk egter moeiliker. Die lastigheid van werk is ‘n gevolg van die Sondeval. Die sondigheid van die mens lei tot misleiding, oneerlikheid, en agteruitgang wat die besigheidswêreld affekteer. Mense lieg, bedrieg, steel, laat mense te veel betaal, verspeel waardevolle tyd en geld, raak betrokke in korrupsie en lewer slordige vakmanskap. Dit gebeur gereeld dat Christene wat opreg wil werk met integriteit gedwing word om met onetiese verskaffers handel te dryf. Selfs Christene van integriteit moet dikwels hul eie sondige versoekings van luiheid, selfsugtige ambisie en trots beveg.

Baie mense in ons kultuur het van hulle werk ‘n afgod gemaak. In plaas daarvan om God se eer te soek deur saam met Hom te werk en ander te dien, probeer baie werkoliste en oor-ambisieuse individue die korporatiewe leer teen enige prys klim. In plaas daarvan om hul waarde daarin te vind dat hulle kinders van die Lewende God is, probeer hulle hulle waarde bewys deur finansiële voorspoed of loopbaansukses.

Tog word sukses in die lewe gemeet aan hoe getrou ons God, ons gesin en ons naaste liefhet – nie aan ons status by die werk nie. God beloon getrouheid. God stel meer belang in die motiewe van die hart, houding en integriteit van ‘n persoon as in sy uiterlike voorkoms en posisie.

Hoewel versigtige beplanning, doeltreffendheid en harde werk prysenswaardig is, kan niks onetiese werkspraktyke of die seermaak van mense regverdig nie. “Sukses” teen enige prys is ‘n seker resep vir mislukking. ‘n Man wie se kinders dwelms gebruik, wie se huwelik op die rotse is, wie se werknemers sy morele waardes verag, is ‘n mislukking in God se oë, selfs al is hy “suksesvol” in besigheid.

“Wat baat dit ‘n mens tog as hy die hele wêreld win, maar homself verloor of skade aandoen?”Lukas 9:25

Tot Verheerliking van God
Dit sal vir elkeen van ons die moeite werd wees om in gebed ons motiewe vir werk te ondersoek. Sondige motiverings sal insluit: ‘n lus vir rykdom, status, respek of mag, om verantwoordelikhede by die huis te vermy, of om net ‘n salaris te kry sonder die nodige besorgdheid oor die kwaliteit van ons werk. Selfsugtige ambisie, gierigheid of agtelosige traagheid is ewe boos in die oë van God. Aan die ander kant, sluit motiewe wat God verheerlik die volgende in: die begeerte om aan mense se behoeftes te voldoen, om Christus te dien en te eer en om ons Skepper te verheerlik.

Dit is ons verantwoordelikheid om ons werk na die beste van ons vermoë te doen, uit liefde vir Christus en tot verheerliking van God. Soos die groot uitvinder Thomas Edison (wat die gloeilamp en vele ander dinge uitgevind het) gesê het: “Daar is geen plaasvervanger vir harde werk nie... ek het nooit iets wat die moeite werd was per ongeluk gedoen nie, ook het nie een van my uitvindings per ongeluk gebeur nie; hulle het gekom deur harde werk.”

‘n Woordeboek is die enigste plek waar jy sukses voor werk sal vind. ‘n Ledige lewe en ‘n heilige hart weerspreek mekaar. Verlossing is ‘n helm – nie ‘n slaapmus nie. Ons werk behoort ‘n gevolg te wees van ons toewyding aan God.

Die fondament vir ‘n werklik vry en voorspoedige nasie kan slegs in karakters, denke en lewens wat deur die Genade van God verander is, gelê word. Om suksesvol te wees, moet ‘n samelewing saamgestel wees uit eerlike burgers wat nie sal steel nie, ywerige mense wat hardwerkend en produktief is, medelydende gesinne wat oor hul bure besorgd is, verantwoordelike werkers wat hul pligte sal doen en getroue diensknegte van openbare hulpbronne sal wees.

Vir nasies om sterk te wees, moet die gesinne sterk wees. Vir regerings om goed te wees moet hulle burgers goed wees. Hulle wat hulself nie kan beheer nie, is nie geskik om oor ‘n stad te regeer nie (Spreuke 16:32). Hulle wat nie hul huishoudings goed kan bestuur nie is nie gekwalifiseerd om ander te lei nie (1 Timótheüs 3:4-5).

Vir hierdie rede moet die boodskap van “bekering en vergewing van sondes in Sy Naam verkondig word aan al die nasies.” Lukas 24:47

Die Kerk moet “dissipels maak van al die nasies... en leer hulle om alles te onderhou wat Ek julle beveel het” Matthéüs 28:19-20.

Dit is nodig dat elkeen van ons:

“verander (word) deur die vernuwing van julle gemoed, sodat julle kan beproef wat die goeie en welgevallige en volmaakte Wil van God is.”  Romeine 12:2

Dr. Peter Hammond
Livingstone Fellowship
Posbus 74 Nuweland 7725
Kaapstad South Africa
Tel: 021-689-4480
Faks: 021-685-5884
E-pos: info@ReformationSA.org

​Baie mense verkeer onder die illusie dat die Bybel absoluut niks te sê het oor enige van die sosiale strukture, konstitusionele modelle of politieke sake nie. Ongeveer 29% van die Bybel handel egter oor geestelike sake en ons persoonlike lewens en 71% handel oor sosiale, politieke en nasionale kwessies.
Ons Here Jesus Christus het baie belangrike geestelike beginsels en konsepte deurgegee wat elke deel van die sosiale en politieke lewe affekteer. Jesus het vir die Romeinse Goewerneur, Pontius Pilatus gesê: “U sou geen absolute mag oor My hê as dit nie van Bo aan u gegee was nie. Daarom het hy wat My aan u uitgelewer het, nog groter skuld.” Joh 19:11. Siviele gesag is baie duidelik afgewentel deur en verantwoordbaar aan God.
Die Bybel is baie duidelik dat God siviele regerings ingestel het as “ ‘n dienaar van God om jou beste belange te bevorder.” Rom 13:4. Die siviele regering is dus geroep om God se reg toe te pas: “…om die wat kwaad doen, te straf…” 1 Pet 2:14.

​BESKERMING IS PRIMÊR

Die primêre taak en verantwoordelikheid van ‘n siviele regering is die beskerming van wetsgehoorsame burgers en die straf van diegene wat die wette breek. Psalm 101 herinner ons dat die taak van Goderende
regeerders is om die boosdoeners te straf, boosheid uit te roei en die wetsgehoorsames te beskerm. Jesus het ons geleer om: “aan die keiser (te gee) wat hom toekom.Maar gee ook aan God alles wat Hom toekom.” Matt 22:21. Die siviele regering het sekere regmatige regte en verantwoordelikhede, maar dit is grootliks beperk. Ons moet ons belastings betaal (maar belasting wat so hoog is as selfs 10%, is eintlik onderdrukkend – 1 Sam 8: 10 -18); militêre diens te verrig indien so vereis; as getuies in die hof te getuig as daar misdaad gepleeg is en om die lewe, die eiendom en reputasie van ons bure te respekteer.
Die aanbidding van God, opvoeding van ons kinders, ons privaateiendom, ons individuele ondernemings en persoonlike menings (aanbiddingsvryheid, onderwysvryheid, vrye markstelsel en vryheid van spraak) is baie duidelik nie geskoei op die lees van die regering nie en val dus buite die jurisdiksie van ‘n Bybelgefundeerde konstitusionele staat.
Ons Here het die gesag van die morele, sosiale, ekonomiese en politieke Wette van God, soos ons dit in die Ou Testament vind, onderhou: “Julle moenie die rede vir my koms misverstaan nie. Ek het nie gekom
om ‘n streep deur die wet of die profete te trek nie. Nee, Ek het gekom om die ware bedoeling van God se wet te laat uitkom. Ek verseker julle, al sou die hemel en die aarde ophou bestaan, sal die wet definitief tot in sy fynste detail geldig bly. Ja, dit sal geldig bly totdat God se bedoeling daarmee bereik is. As jy dus die kleinste van God se opdragte opsy sou skuif en ander leer om dit ook te doen, sal jy die kleinste wees in God se koninkryk. Maar as jy God se wet tot in die kleinste besonderhede respekteer en gehoorsaam, sal jy groot wees in sy koninkryk.” Matt 5:17-19.
In Sy openbare onderrig het Jesus die Ou Testamentiese Wette teen moord, diefstal en egbreuk (Matt 5:21-28) bevestig; asook díé wat handel oor die oneer teenoor ouers (Matt 15:4) en meineed (Matt 19:18).
Jesus het ook die reg op privaatbesit van eiendom en die vryemarkstelsel en winsneming onderskryf (Luk 16:11; 19:12- 27; Matt 20:1-15; 25:14-30).
MAGSHEBBERS OOK DIENAARS

Ons Here het ook geleer dat siviele magshebbers ook openbare dienaars behoort te wees. Matt 20:25-28: “Julle weet in hierdie wêreld tiranniseer die magshebbers die nasies, en die magtiges domineer hulle. Maar onder julle moet dit heeltemal anders wees. Wie onder julle ‘n leier wil wees, behoort julle dienskneg te wees. En wie die eerste onder julle wil wees, moet julle slaaf wees.” Kyk ook in hierdie verband na Luk 22:25-26.
Dit is juis om hierdie rede dat amptenare in siviele regerings ‘ministers’ en ‘dienaars’ genoem word. Die hele konsep dat ‘n siviele regering die dienaar van sy inwoners is, is ‘n unieke Christenidee wat uit hierdie verse ontstaan het. Die term ‘Eerste Minister’ het hieruit ontstaan – as die eerste dienaar.
Terwyl die meeste groepe vandag eksterne oplossings vir ons vele sosiale probleme verkondig – redding deur politiek of deur veranderde sosiale strukture en wette – beklemtoon die leringe van Christus die nodigheid van interne verandering, d.w.s. jou hart en verstand moet nuut word. Matt 15:19: “Wat uit die hart kom, is slegte gedagtes, soos om moord te pleeg, ontrou te wees in die huwelik, onsedelikheid te bedryf, te steel, leuens te vertel en mense te belaster.”
WARE VRYHEID

Ware Vryheid kom van binne af. Die fondasie vir ‘n ware vry en vooruitstrewende nasie kan net gevind word in karakters, verstand en die lewens van mense wat deur God se genade verander is. Om suksesvol te wees, moet ‘n gemeenskap bestaan uit eerlike inwoners wat nie sal steel nie, hardwerkend en pligsgetrou is, medelydende gesinne wat omgee vir vir hul bure, verantwoordelike werkers wat hul plig sal nakom en getroue rentmeesters van openbare bronne.
Nasies se krag hang van die krag van die gesinne binne die nasie af. Regerings kan net goed wees indien die inwoners van die land goed is. Die wat hulself nie kan beheer nie, kan beslis nie ‘n stad regeer nie
(Spr 16:32). Die wat nie hul eie huishouding kan bestuur nie, is ook nie in staat om ander te lei nie (1 Tim 3:4-5).
God het vier sfere vir regering ingestel: Selfregering: Gesimboliseer deur die gewete.
Familieregering: Gesimboliseer deur sterk dissipline.
Kerkregering: Gesimboliseer deur die sleutel van Kerkdissipline.
Siviele Regering: Gesimboliseer deur die swaard van die reg.
God het ook in die Israelse regering tien sleutelbeginsels van vryheid gevestig: ‘n Geskrewe grondwet (verbond), gebaseer op God se Woord, wat die mag van die regering baie duidelik definieer en beperk.
‘n Skeiding van mag en funksies in die siviele regering in drie verskillende vertakkings: Uitvoerend (die koning of die regter), Wetgewend (die Raad en Sanhedrin), Geregtelik (die ouderlinge of regters in elke gemeenskap).
Hierdie drie vertakkings van die regering is gebaseer op hoe die Here Sy Regering openbaar het - Jes 9:6,7. Jes 33:22 sê ook: “Want die Here is jou Regter, die Here is ons Regeerder. Die Here is ons Koning.
Hy is die een wat ons sal red.”
‘n Onafhanklike regstelsel en die reg op ‘n regverdige verhoor (2 Kron 19: 5-7). In Deuteronomium 19:15-19 word die beginsels van ‘n regverdige verhoor soos volg uitgespel: jy is onskuldig totdat jy skuldig bevind
is, die reg op regsvoorskrifte, getuies moet die beskuldigde persoonlik konfronteer, ‘n saak moet ingestel word deur twee of drie getuies, regters moet onpartydig wees.
‘n Nasionale wetgewer (wetmakende instelling) waar die een huis bestaan uit verteenwoordigende regters of amptenare wat deur die mense verkies is (Deut 1:13 – 17). “Maar jy moet uit die volk eerlike en bekwame manne kry wat vir die Here wil werk en nie omkoopgeld sal aanvaar nie. Julle moet hulle aanstel om regters te wees oor groepe van onderskeidelik 1000, 100, 50 en 10 mense.” Eks 18:21.
‘n Tweede huis in die wetgewer wat bestaan uit twee oorgeërfde ouderlinge uit elk van die elf stamme (of geografiese gebiede) van Israel saam met die 24 priesters uit die stam van Levi en twee skrifgeleerdes uit elk van die 12 stamme. Dit het dan die Sanhedrin gevorm.
‘n Uitvoerende beampte (regter of koning) wat onder die leiding van God gekies is en wat die goedkeuring van die ouderlinge het (Deut 17:14-20; 1 Kron 11:3).
‘n Gedesentraliseerde staat waar die meeste verantwoordelikhede en mag op die plaaslike regering, die familie en die individu rus. (Sentralisering van mag in ‘n unitêre staat was nog altyd ‘n heidense tendens soos gesien in Nineve, Egipte en Babilon. Omdat mag bederf bring, is dit wys om die mag van die siviele regering in ‘n sisteem van wigte en teenwigte te verdeel. (Eks 24:1; Deut 1:13-17; Hand 17:26).
‘n Weermag wat bestaan uit opgeleide inwoners wat die reg en plig het om die wapen op te neem ter verdediging van hul huise, families, gemeenskap en nasie, (Num 1:2-3; Rig 3:2; Deut 20:1-4,9).
‘n Vryemarkekonomie gebaseer op privaateienaarskap van eiendom en individuele vrye ondernemings. Enige belasting wat hoër as 10% was, is as onderdrukkend beskou en enige eiendomsbelasting of erfenisbelasting is verbied. Instellings en individue wat in voltydse bediening betrokke was, kon nie belas word nie. Bybelse ekonomie het ook onregmatige mate (inflasie) en gewigte (valuta) verbied. (Eks 20:15,17; Deut 19:14; Spr 10: 2-4; 1 Tes 3: 10; 1 Sam 8: 10 – 18; 1 Kon 21:3).
‘n Onderwysprogram wat deur ouers, maar met die hulp van die Kerk, onafhanklik van die staat, ondersteun word. (Deut 6:7; Esra 7:23,24; Matt 28:19; Ef 6:4; Kol 2:8).
FONDASIE VIR AL ONS REGTE

Die Tien Gebooie verskaf nie net die fondasie vir sosiale orde nie, maar dit is ook die fondasie vir al ons ander regte. Elke gebod handel oor ‘n spesifieke area: God, aanbidding, spraak, tyd, gesag, lewe, liefde, eiendom, waarheid en die gewete.
Die Tien Gebooie dek ons verantwoordelikheid teenoor God, teenoor ons ouers en ook teenoor ander mense. Gehoorsaamheid aan hierdie Gebooie het ‘n respek vir God, mense en eiendom tot gevolg.
Elke Gebod bevat ‘n verbod, bv. “Jy mag nie nog ander gode buiten My aanbid nie…” verbied veelgodery en ateïsme. Elke Gebod impliseer egter ook ‘n reg. Die Eerste Gebod impliseer tog vryheid van aanbidding.
Wanneer die Derde Gebod godslastering, vals profesieë en goddeloosheid verbied en wanneer die Negende Gebod meineed, skinder of lastering verbied, is dit die enigste beperkings wat daar op spraak
gelê word. Buite hierdie beperkings is daar vryheid van spraak. Behalwe om afgodediens in die Tweede Gebod te verbied en gierigheid en selfsug in die Tiende Gebod, het ons vryheid van gewete.
Die Sesde Gebod verbied moord, self-moord, aborsie en genadedood; dus verskans dit die reg op lewe. Die Sewende Gebod verbied ontug en perversie – dit verskans dus die heiligheid van die huwelik.
Net so ook die Agtste Gebod wat bedrog en diefstal verbied – dit verskans die reg op privaateiendomsbesit.
Die Tien Gebooie is die fondasie van al die volgende regte: vryheid van aanbidding; die reg om God se Wil te ken en dit te doen; vryheid van spraak; die reg om te werk en te rus; respek vir gesag; die reg op lewe;
die heiligheid van die huwelik; privaat eiendomsbesit; die reg om teen laster beskerm te word; vryheid van gewete.
Die Bybel definieer sonde as “wetteloosheid”. 1 Joh 3:4. Jesus het gesê: “As julle My liefhet, sal julle My opdragte gehoorsaam.” Joh 14:15
Amos 5:15, 24: “Julle moet die bose haat en die goeie liefhê. Sorg dat die regverdigheid in die howe seëvier. … Ek wil liewer ‘n vloed van regverdigheid sien, ‘n earlike leefwyse soos ‘n stroom water wat nie ophou vloei nie.”
George Washington het gesê: “Godsdiens en moraliteit is onmisbaar vir enige goeie regering.”
 
Aankoop Die Tien Gebooie Hier

Dr. Peter Hammond is die Voorsitter van The Reformation Society. Besoek www.ReformationSA.org. 

Dr. Hammond is beskikbaar vir kerkpraatjiesen kan geskakel word by 021 689 4480.
Die artikel was oorspronklik in JUIG! tydskrif gebubliseer 

​Begeerte is ‘n wortel van sonde, wat terugdateer tot in die Tuin van Eden. Die Bybel vertel van koning Saul se afguns op Dawid se sukses, en hoe Saul die lof en eer wat Dawid vir sy oorwinnings te beurt geval het, begeer het. (1 Sam. 18:6-8). As gevolg daarvan het Saul beplan om Dawid te vermoor. Op sy beurt het Koning David sy buurman, Urija, se vrou begeer. Hy het met haar egbreuk gepleeg, en toe beplan om Urija te laat vermoor - om sy sonde te verbloem. (2 Sam. 11:1-27).

Die Vloek van Begeerte
Koning Agab het Nabot se wingerd begeer. (1 Kon. 21:2-4). Die profeet Miga het gewaarsku teen dié wat ander se goed begeer: “Hulle begeer ‘n stuk grond en vat dit, huise, en lê beslag daarop. Hulle kul ‘n man uit sy huis uit, ‘n mens uit sy besittings uit.” Miga 2:2

Terwyl ek een keer na ‘n bedieningsgeleentheid op pad was huis toe, het die militêre kapelaan met wie ek saamgery het, stilgehou om vir ‘n vrou wat duidelik ontsteld was, die geleentheid te gee om saam te ry. Nadat hy vir ‘n ruk ernstig met haar gepraat het, het hy haar by ‘n naby-geleë dorpie afgelaai. Toe het hy vir my te verduidelik hoekom die vrou so ontsteld was. ‘n Familielid het gesterf en al die familielede het die geld vir die begrafnis aan haar toevertrou. Sy moes daarmee alles organiseer. Op pad na die lykshuis het sy ‘n dobbelhuis gesien, en toe gedink dat sy die geld kon verdubbel, sodat sy die helfte vir haarself kon hou. Sy kon dalk selfs die geld drie of vier keer meer maak!

Sy het so pas alles weggedobbel, insluitende die duisende Rand wat deur die familie aan haar toevertrou was vir die begrafnis reëlings. Nie en van hulle was welaf nie. Al die geld het groot opoffering geverg. Sy kon nie dink waar hulle nou weer geld vandaan kon kry nie – om vir die begrafnis te betaal. In haar geval het begeerte katastrofiese gevolge gehad, wat haar lewe en verhoudinge met haar uitgebreide familie kon vernietig.

Die Ryk Dwaas
In die gelykenis van die ryk dwaas, waarsku Jesus ons: “Pas op en wees op julle hoede vir elke vorm van gierigheid, want ‘n mens se lewe is nie afhanklik van die oorvloed van sy besittings nie.” Luk. 12:15-21

“Die godsdiens is ‘n groot wins as iemand tevrede is met wat hy het, want ons het niks in die wêreld ingebring nie; ons kan ook niks daaruit wegneem nie. As ons dan kos en klere het, moet ons daarmee tevrede wees. Maar dié wat ryk wil word, val in versoeking. Hulle loop hulle vas in ‘n strik van baie sinlose en skadelike begeertes waardeur mense in verderf en ondergang gestort word. Geldgierigheid is ‘n wortel van allerlei kwaad. Party het geld nagejaag en toe van die geloof afgedwaal; daardeur het hulle hulleself baie ellende op die hals gehaal. ” 1 Tim. 6:10

Die Liefde vir Geld is 'n Wortel van Kwaad
Daar is baie mense in ons samelewing wat voortdurend daarop uit is om méér speelgoed op te gaar – groter, beter, luukser karre, bote, tuis-vermaak toestelle, selfone, 1Pods, rekenaars en net omtrent alles waaraan jy kan dink - om die eenvoudige rede dat hulle begeer wat ander besit. Adverteerders teer op ons afgunstige neigings, en probeer ons voortdurend wysmaak: “Jy kan dit alles hê. Jy is dit werd!”

“Moenie die sondige wêreld en die dinge van die wêreld liefhê nie. As iemand die wêreld liefhet, is die Vader se liefde nie in hom nie. Die wêreldse dinge – alles wat die sondige mens begeer, alles wat sy oë sien en begeer, al sy gesteldheid op besit – kom nie van die Vader nie, maar uit die wêreld. En die wêreld met sy verleidelike dinge gaan verby, maar wie die wil van God doen, bly ewig lewe..” 1 Joh. 2:15-17

Om Goed Lief te hê, maar Mense Seer te Maak
Skoolkinders is al letterlik vermoor vir handelsnaam hardloopskoene en klere. Ons word daagliks gebombardeer met allerlei advertensies wat spesifiek ontwerp is om ons te verlei om goed te begeer. En as ons ingee, sal ons nooit tevrede wees nie.

Ons sal altyd net nog ‘n ietsie wil hê. Toe die biljoener John D. Rockefeller gevra is: “Hoeveel geld is genoeg?”, was sy antwoord: “Net ‘n bietjie meer.” Dit is die wese van begeerte. Dit wil altyd méér hê. Ek sien soms buffer-plakkers en T-hemde waarop staan: “Gebore om te koop”. Op ‘n ander een staan: Wie met die meeste speelgoed sterf, het gewen!” Wat ‘n tragiese, kortsigtige, oppervlakkige, materialistiese en leë lewensdoel!

Dis tragies dat sommige mense werklik kan glo dat hulle primêre doel in die lewe, is om goed op te gaar. In plaas daarvan om mense lief te hê en dinge te benut, is daar al te veel mense wat goed liefhet en mense misbruik.

Gierigheid is Afgodery
Gierigheid is ‘n sonde waaroor daar nie baie gepraat word nie. Slegs enkele mense herken die verraderlike aard daarvan, en dit maak van gierigheid een van die gevaarlikste sondes.

Paulus het geskryf: “Rig julle gedagtes op die dinge wat daarbo is, nie op die dinge wat op die aarde is nie, want julle het gesterwe, en julle lewe is saam met Christus verborge in God...Daarom moet julle die aardse dinge doodmaak wat nog deel van julle lewe is: onsedelikheid, onreinheid, wellus, slegte begeertes, en gierigheid, wat afgodery is. Deur sulke dinge kom die straf van God oor die mense wat aan Hom ongehoorsaam is.” Kol. 3:2-6

‘N Saak van die Hart
Jesus het die Fariseërs tereg gewys, omdat hulle die buitekant van die beker skoonmaak, terwyl die binnekant vol allerlei vuilheid en boosheid was. (Mat. 23:25-26). Die Fariseërs was puntenerig oor die uiterlike detail van die Wet, maar hulle harte was besoedel. Jesus het gewaarsku: “Uit die hart kom slegte gedagtes: moord, owerspel, onkuisheid, diefstal, vals getuienis, kwaadpratery.” Matt 15:19

Gierigheid is die wortel van allerlei boosheid. Die Tien Gebooie is uiters belangrik, omdat dit die hart, die innerlike mens aanspreek. Dit is geestelik: “Ons weet tog die wet is geestelik.” Rom. 7:14.

Die Tien Gebooie wys ons hoe om die ander Gebooie te interpreteer, nl. om nie slegs die uiterlike te beoordeel nie, maar ook gedagtes en motiewe. Dit het oortuigingskrag. “Wat is dan ons gevolgtrekking? Dat die wet van Moses sonde is? Beslis nie. Inteendeel...Ek sou... nie geweet het dat dit sonde is om te begeer, as die Wet nie gesê het: ‘Jy mag nie begeer nie’” Rom. 7:7

Die Wortels van Sonde
Gierigheid is die wortel van verraad. Dit het veroorsaak dat Juda vir Jesus verraai het. “Wat sal julle my gee as ek sorg dat Jesus in julle hane kom?” Mat. 26:15. Absalom se gierigheid was die rede waarom hy sy pa se kroon van sy kop wou afruk. Demas het toe geblyk ‘n Judas te wees. Gierigheid is die wortel van moord.

Hoekom het Agab vir Nabot laat stenig, ánders as om sy wingerd te bekom? (1 Kon. 21:13). Gierigheid lei tot bloedvergieting. Kan ‘n mens se hart skoon wees, as jou hande met bloed bevlek is? (Jes. 1:15). Gierigheid is die wortel van meineed. Uit liefde vir geld sal mense vals verklarings aflê en ‘n regverdige eed verbreek. Gierigheid is die wortel van omkopery en onreg. Gierigheid is die wortel van afgodery: “...gierigheid , wat afgodery is” Kol. 3:5.

Tevredenheid
Die Tiende Gebod is ‘n beroep op ons om tevrede te wees met wat ons het. Om nie te begeer wat ander besit nie. Om die soeke na groter geluk en vreugde - deur die opgaar van materiële welvaart, besittings, ‘n ánder se lewensmaat en ánder se vriende - te vermy. Ons mag nie toelaat dat aardse goed die leemte vul, wat net deur God gevul kan word nie. “U het ons vir Uself geskape, en ons harte bly rusteloos, totdat hulle in U vrede vind.” (Augustinus).

Behoeftes is nie Gulsigheid Nie
Ons moet God vra om in ons behoeftes te voorsien. Die Here belowe dat Hy sal voorsien wat ons nodig het (nie in ons gulsigheid nie) as ons Hom eerste plaas, en nie geld, gewildheid of besittings nie.

“Hou julle lewe vry van geldgierigheid; wees tevrede net wat julle het. God self het gesê: ‘Ek sal jou nooit verlaat nie, jou nooit in die steek laat nie’“ Heb. 13:5

Jesus daag ons uit: “Julle moet julle dus nie bekommer en vra: ‘Wat moet ons eet of wat moet ons drink of wat moet ons aantrek?’ nie. Dit is alles dinge waaroor die ongelowiges begaan is. Julle Hemelse Vader weet tog dat julle dit alles nodig het. Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee.” Mat. 6:31-33

Kyk na die Voëls
“Moet julle nie bekommer oor julle lewe, oor wat julle moet eet en drink nie, of oor julle liggaam, oor wat julle moet aantrek nie. Is die lewe nie belangriker as kos en die liggaam as klere nie? Kyk na die wilde voëls: Hulle saai nie en hulle oes nie en hulle maak nie in skure bymekaar nie; julle Hemelse Vader sorg vir hulle. Is julle nie baie meer werd as hulle nie?” Mat. 6:25-26

Die boodskap ‘Soli Deo Gloria’ op elke Rand-muntstuk, moet ons daaraan herinner dat ons nie God én geld kan dien nie. Die mens se hoogste roeping is om God te aanbid en vir ewig te geniet.

Ontevredenheid Aangeblaas
In die algemeen is die doel van advertensies en bemarking om op mense se onversadigbare ontevredenheid te teer, deur ‘n beroep op hulle selfsugtigheid. Die meeste adverteerders belowe tevredenheid, as ons maar net húlle produk koop. Baie advertensies suggereer dat as ‘n mens húlle produk koop, jy omring sal wees deur vriende, ‘n beeldskone wederhelfte, en dat jy ‘n wonderlike, genotvolle lewe sal geniet.

Dié adverteerders doen navorsing oor wat mense begeer, en ontlok mense se natuurlike geneigdheid om ontevrede te wees met wat hulle het. Toe die ryk jong man vir Jesus gevra het “wat moet ek doen om die ewige lewe te verkry?”, het Jesus hom op die kern van die Tiende Gebod gewys: “Net een ding kom jy kort. Gaan verkoop alles wat jy het, en gee die geld vir die armes, en jy sal ‘n skat in die hemel hê. Kom dan terug en volg My!” Mark. 10:21

Gierigheid is nie dieselfde as ambisie nie. Daar is in ons ‘n Godgegewe begeerte om die beste persoon te wees, wat ons kan wees. Daarteenoor is gierigheid ‘n oordrewe begeerte na wêreldse goed. Gierigheid het nie met behoeftes te make nie, maar met hebsug. Dit is ‘n verterende begeerte na méér as wat ons nodig het, of verdien.

Dobbel is 'n Vrug van Sonde
Dobbel is beide die vrug en die wortel van sonde. Dit is beide die gevolg en die oorsaak van sonde. ‘n Mens dobbel omdat hy begeer om geld te wen, wat hy nie deur eerlike werk verdien het nie. Gierigheid is ‘n vorm van afgodsdiens. Die dobbelhuis is nie maar net ‘onskadelike vermaak’ nie, maar in baie gevalle is dit ‘n desperate en vrugtelose poging om te oorleef. Maar die kanse om te verloor is so ‘n wrede werklikheid, dat dobbel eintlik maar diefstal deur instemming is (Larry Burkett, ‘Truth About Gambling and Lotteries’).

Dobbel is Slegte Rentmeesterskap
Christene moet wyse rentmeesters wees van die middele wat God aan ons toevertrou het. Om geld deur dobbel te verloor, is swak rentmeesterskap. Wie deur dobbel geld wen, doen dit ten koste van baie ander. Dobbel is ‘n klasieke voorbeeld van die liefde vir geld, wat die wortel van baie soorte kwaad is. Dobbel is ‘n groot oorsaak van die afskeep en verbrokkeling van gesinne. Geld wat op kos en klere en behuising bestee moes word, word uitgedobbel. In sommige gevalle het dobbel tot moord gelei. Dikwels lei dit tot luiheid. Die Skrif sê: “…wie nie wil werk nie, moet ook nie eet nie.” 2 Tes. 3:10

‘N Bedryf wat Selfsug en Gulsigheid Stook
Om iemand te verlei om geld te maak ten koste van ander, verbreek feitlik elke beginsel wat Christus ons geleer het. Dit kweek selfsugtigheid, gulsigheid en afguns. Die London School of Economics het bereken dat die las van dobbelary die armes agt maal méér benadeel, as die rykes.

“Dobbel dra niks by tot algemene welsyn nie. Dit ondermyn waardes, maak arbeid bespotlik, finansier misdade, beroof kinders, verslaaf mense, ondermyn regering en vergiftig enigiets wat daarmee in kontak kom.” (‘Gambling a Deadly Game’ deur Larry Braidfoot).

Dobbel het nie slegs ‘n vernietigende uitwerking op gesinne en die samelewing nie, maar dit vernietig ook die individu. Gesinsverbrokkeling, egskeiding en die verlies aan vriende, is dikwels die gevolg. Nadat dobbel in Namibië gewettig is , het ‘n Namibiese amptenaar opgemerk: “Al waarin ons geslaag het, is om ‘n paar mense baie ryker te maak en ‘n klomp mense baie armer.” Die Namibiese verslag het uitgewys dat die wettiging van dobbel daartoe gelei het dat meer werksgeleenthede verlore gegaan het, as wat geskep is.

Vernietig deur Lotery.
Brittanje se nasionale lotery is in 1994 begin en is bemark as “’n droom kaartjie na persoonlike rykdom”. Dit het wel sommige goeie sake ondersteun, maar het vinnig in ‘n nagmerrie ontaard. Sommige miljoenêrs was verplig om weg te kruip a.g.v. die sakke vol bedel-briewe en die haat-veldtogte teen hulle. Welsynsorganisasies het gekla dat hulle donasies drasties afgeneem het, terwyl hulp-organisasies ‘n massiewe toename in verslaafde dobbelaars gerapporteer het, na wie hulle moes omsien. Die armste en mees kwesbare mense, wat dit die minste kon bekostig, was diegene wat week na week in dobbel ingetrek is. Gamblers Anonymous het gerapporteer dat mense op alle vlakke van die samelewing deur die lotery geruïneer is.

Kasino’s en Misdaad
‘n Verslag uit Denemarke het aan die lig gebring dat byna twee miljoen Deense burgers (uit ‘n bevolking van net oor die vyf miljoen) elke week loterykaartjies koop. Die verslag meld dat gewettigde dobbel in die land gelei het tot alkoholisme, persoonlike ekonomiese agteruitgang, egskeidings en selfmoorde. “Wie hom verryk ten koste van ‘n ander, maak dat sy gesin verstoot word.” Spr. 15:27

‘n Verslag deur US News and World Report het aangetoon dat misdaad toeneem, oral waar dobbelhuise geopen word. Daar is duidelike, gedokumenteerde getuienis dat gewettigde dobbel gepaard gaan met ‘n massiewe toename in omkopery, bedrog, afpersing en bankrotskappe, by sowel besighede as individue.

Gierigheid Skep Chaos
Die chaos, wetteloosheid, vernietiging, armoede en hongersnood in Zimbabwe is ‘n duidelike waarskuwing van waarheen die sonde van gierigheid kan lei. “Ellende wag vir hom wat hom ten koste van ander wou verryk en daardeur ‘n ramp oor sy eie familie gebring het.” Hab. 2:9

Geldgierigheid is selfsugtigheid. “Ek benodig! / wil hê! / moet hê / Gee my!” Gierigheid skryf vir die hart voor om te droom en beplan vir die goed van hierdie wêreld, in hierdie lewe. Gierigheid begeer geluk en soek vervulling in materiele besittings. Gierigheid fokus hart en gedagtes op gewildheid, aansien, status, roem, posisie, besittings, eiendom, persoonlike voorkoms of selfs “jou naaste se vrou”.

Versmoor deur Bekommernis
In die gelykenis van die saaier praat die Here Jesus van diegene wat verstrengel raak in bekommernis, rykdom en die genot van hierdie lewe. Inhaligheid kan geestelike oorwegings versmoor. Dis soos vloedwaters wat alle grense oorstroom, en wat, sonder rigting of selfbeheersing, alles in sy pad kan meesleur. Mense wie se harte en gedagtes aan hebsug oorgegee is, het doodgewoon nie enige energie of entoesiasme oor vir ware, belangrike geestelike aktiwiteite nie. Gierigheid is soos ‘n aggressiewe kanker wat vinnig sy slagoffer oorweldig, en alle gesondheid en effektiwiteit aftakel en geestelike lewe vermink.

Afgodies en Aansteeklik
Gierigheid is afgodery, en dit is aansteeklik. Dit verlaag mense, en hou hulle besig met onbenullighede. Gierigheid verg geweldig baie tyd en energie, en van alle sondes is dit die mees self-regverdigende.

Gierigheid is ‘n hoogs subtiele sonde. Dit verdoof en vernietig die gewete – na die mate wat luukses noodsaaklikhede word. Die Apostel Paulus het opdrag gegee dat iemand wat geldgierig is, nooit as ‘n ouderling mag dien nie. (1 Tim. 3:3). Hy het ook geskryf dat gelowiges nie moet omgaan “met iemand wat homself ‘n gelowige noem, maar wat onsedelik of geldgierig of ‘n afgodsdienaar of ‘n kwaadprater of dronkaard of bedrieër is nie. Met so iemand moet julle nie eens saam eet nie.” 1 Kor. 5:11

Vlug van Versoeking
Ons behoort van versoeking weg te vlug, soos Josef en Daniël gedoen het, soos vir ‘n dreigende ramp. Die Skrif stel dit duidelik: “...weet julle nie dat mense wat onreg doen, geen deel sal kry aan die koninkryk van God nie? Moenie julleself mislei nie: geen...geldgieriges...sal deel kry aan die koninkryk van God nie.” 1 Kor. 6:9-10

Een van die beste waarborge teen die kanker van gierigheid, is om ‘n gesindheid van dankbaarheid te kweek. ‘n Ander is om vergenoegdheid en vrygewigheid aan te leer. Dis moeilik om inhalig te wees as ons dinge weggee.

Kweek ‘n Gesindheid van Dankbaarheid
Om die sonde van gierigheid in jou lewe te oorwin, moet jy die Woord van God bestudeer en jou seëninge tel. “Ek het regtig geleer om onder alle omstandighede tevrede te wees. Ek weet wat dit is om boomskraap te lewe, en ek weet wat dit is om oorvloed te hê. Ek het lewenservaring opgedoen vir alle omstandighede, vir wanneer ek genoeg het om te eet én wanneer ek honger is, vir oorvloed én tekort. Ek kan alles doen deur Hom wat my krag gee.” Fil. 4:11-13

Bo alles moet jy God liefhê.

Buig nie voor hout of klip.

Gebruik Sy Naam nooit ydel.

Hou die Sabbat getrou.

Eer altyd jou ouers.

Beskerm onskuldige lewens.

Wees getrou aan jou lewensmaat.

Moet niks, klein of groot, steel nie.

Praat altyd die waarheid oor jou naaste.

En hou selfsugtige begeertes uit jou gedagtes.

“Laat julle gedagtes beheer word deur die hemelse dinge, nie deur dinge op die aarde nie” Kol 3:2 +

Aankoop Die Tien Gebooie Hier
​
DR. PETER HAMMOND is die Outeur van “The Ten Commandments “  Tel: 021 689 4480; mission@frontline.org.za